SI ESHTE NJE MUSLIMAN I VERTETE (1)

Muslimani i vërtetë; e do familjen e tij, do më të mëdhenjtë, shtetin dhe flamurin e tij. Sillet mirë me njerëzit e tjerë dhe kur gjen mundësinë i ndihmon të gjithë. Respekton prindërit, të mëdhenjtë, dhe i do të vegjëlit. I kushton shumë rëndësi pastërtisë. Ushqimet, trupin e tij, rrobat dhe ambientin që e rreth- on i mban gjithmonë të pastra.
Muslimani i vërtetë; e di përse është krijuar dhe mundohet t’i kryejë të gjitha detyrat e tij si rob i Allahut. Punon për këtë botë sikur nuk do të vdesë kurrë dhe punon për Ahiretin sikur do të vdesë nesër. E rrit fëmijën e tij me edukatën islame që të jetë shembull për të gjithë të tjerët, e shkollon atë dhe i mëson të lexojë Kur’anin kerim. Ia kalon mirë jo vetëm me të afërmit, fqinjët dhe shokët e tij po edhe me të gjithë njerëzit.
Muslimani i vërtetë; i mëson hollësitë e fesë dhe falenderon për të gjitha të mirat që ka. Han vetëm nga hallalli. Nuk ia ngul sytë mallit, jetës ose nderit të askujt. Nuk ia han kujt hakun, nuk bën keq dhe tregohet i durueshëm ndaj atyre që i bëjnë keq atij. Nuk e di se çfarë është hileja ose tradhëtia. Nuk është as xheloz as mendjemadh.                                     (Vijon)