DHJETE DITET E PARA TE MUAJIT DHUL-HIXHE (2)

Sipas disa dijetarëve ditët e caktuara mendohet se janë dhjetë ditët e Dhul-hixhes. I Dëguari i Allahut (s.a.v.s) ka thënë: "Thoni vazhdimisht Tehlilin (La ilahe ila-llah), Tekbirin (Allahu Ekber) dhe Tehmidin (Elhamdu lil-lah) gjatë këtyre ditëve (dhjetë ditëve të Dhulhixhes)." (Ahmedi)
Buhari tregon se Ibn Umeri dhe Ebu Hurejra shkonin në treg gjatë këtyre dhjetë ditëve dhe thonin Tekbirin atëherë njerëzit bashkoheshin me ta dhe thoshin edhe ata Tekbirin.
Is'haku tregon se Tabi'inët thoshin gjatë këtyre dhjetë ditëve "Allahu Ekber, Allahu Ekber, La ilahe ila-llah, Allahu Ekber, Allahu Ekber ue lil-lahil hamd". Është sunnet ngritja e zërit me këtë tekbir në tregje, në shtëpi, në rrugë, në xhami, etj. Allahu (xh.sh.) thotë: "Kështu që ju të madhëroni Allahun për udhëzimin që ju dha". (Kur'an 22: 37)
Gjithashtu rekomandohen dhikri dhe duatë në të gjitha format që janë vërtetuar si të sakta:
Pendimi dhe lënia e mëkateve
-Mëkatet dhe gjërat e këqija bëjnë që Allahu të jetë i pakënaqur me personin dhe që Ai të mos i pranojë veprat. Nga ana tjetër veprat e mira bëjnë që Allahu të jetë i kënaqur me personin dhe t'ia pranojë veprat.
Bërja e sa më shumë veprave të mira jo të detyruara. Këto mund të jenë namaz nafile, sadaka, lexim Kurani, dua, etj. Shpërblimi i tyre gjatë këtyre ditëve shumëfishohet.                                                 (Vijon)