MENDJEMADHESIA dhe MODESTIA

Shtatë janë arsyet që e shtyjnë njeriun të bëhet mendjemadh.
① Dituria: Ai njeri që di diçka, i duket vetja i madh, njerëzit e tjerë që nuk dinë i sheh poshtë vetes. Pret gjithmonë që këta ta respektojnë dhe t’i shërbejnë.
② Ibadetet: Ai njeri i cili bën shumë ibadet e ka shumë të vështirë të shpëtojë nga mendjemadhësia. Pret respekt nga të gjithë dhe dëshiron që ta përmendin gjithmonë për mirë. Një njeri i tillë i duket sikur të gjithë janë drejt shkatërrimit dhe vetëm ai do të shpëtojë.
➂ Të jesh nga fis i mirë: Ka plot njerëz që mburren me prejardhjen e tyre. Kabili ishte i biri i Ademit alejhis-selam por vdiq si jobesimtar.
➃ Bukuria: Të mburresh me bukurinë vihet re më shumë tek gratë. Allahu teala nuk sheh bukurinë e jashtme të njerëzve por zemrat e tyre.
➄ Pasuria: Disa njerëz të pasur për shkak të mallit të tyre e quajnë veten sipër fukarenjve. Karuni ishte shumë i pasur, por u shkatërrua bashkë me mallin e tij.
➅ Forca: Disa njerëz e quajnë veten sipër të tjerëve vetëm pse janë më të fuqishëm se ata. Ka plot kafshë që janë më të fuqishëm se njeriu.
➆ Të kesh shumë të afërm: Ka edhe njerëz që mburren se kanë shumë fëmijë, vëllezër apo kushërinj.
Sa e keqe që është mendjemadhësia aq e mirë është modestia.
Në hadithe sherif thuhet:
"Ai që fal për hir të Allahut, respektohet, ai që bëhet mobest për hir të Tij, lartësohet"
"Allahu e lartëson muslimanin që tregohet modest"
"Nderi është modestia"
"Kur njeriu tregohet modest, Allahu teala e ngre atë deri tek 7 qiejt"