Untitled Document

NATA BERAAT (2)

 
*Bëni shumë ibadet natën e Beraatit! Ndryshe ditën e Kiametit do të pendoheni!
*Në këtë natë ai person që ka ndërprerë lidhjet me të afërmit, ose kundërshton prindërit nuk falet.
*Xhebraili “alejhisselam” erdhi tek unë. Më tha: Ngrihu fal namaz dhe bëj dua sonte është nata e 15’të e Shabanit. Kush e respekton këtë natë Allahu teala e fal atë. Vetëm mushrikët, magjistarët, fallxhorët, kurrnacët, ata që pijnë pije alkoolike, ata që marrin faiz dhe ata që bëjnë zina  nuk i fal.
*Në këtë natë shkruhet në libër çdo fëmijë që do të lindë gjatë këtij viti. Në këtë natë shkruhen në një libër të veçantë emrat e atyre që do të vdesin gjatë këtij viti. Në këtë natë caktohet rrisku i gjithkujt. Në këtë natë i trgohen Allahut punët e të gjithë njerëzve.
*Ta dini natën e Beraatit si një rast i mirë përfitimi! Sepse është një natë që dihet. Eshtë nata e 15’të e Shabanit. Nata e Kadrit megjithëse është shumë e madhe nuk dihet se kur është. Bëni shumë ibadet në këtë natë! Ndryshe do të pendoheni në ditën e Kijametit!
Për të mos u penduar ditën e Kijametit duhet ta shohim këtë ditë si një ditë që duhet të përfitojmë, duhet të bëjmë shumë teube dhe istigfar, të falim namazet kaza, të lexojme Kur’an dhe të bëjmë dua për muslimanët e të gjithë botës..