Untitled Document

ÇFARE E SHQETESON SHEJTANIN

 
Një nga evliatë e mëdhenj, Bajazit Bistamiun, një natë e kishte kapur gjumi dhe nuk kishte mundur të zgjohej për namazin e sabahut. Aq shumë qau e vajtoi për këtë saqë dëgjoi një zë t’i thoshte:
“Ej Bajazit! Të kam falur këtë kusur tëndin. Me bereqetin e kësaj të qare tënde, ty të kam dhënë sevape të shtatëdhjetë mijë namazeve".
Pas disa muajsh prapë e kishte kapur gjumi. Erdhi shejtani dhe duke e prekur këmbën e tij të bekuar, e  zgjoi e i tha:
"Ngrihu gati të kaloi namazi."
Hazreti Bajazit Bistamiu iu përgjigj:
“O i mallkuar, si arrin ti të bësh kësoj punësh? Ti do që çdokush ta humbë namazin e t’i kalojë koha, përse më zgjon mua?"
Shejtani i tha:
“Atë ditë që e humbe namazin e sabahut, duke qarë pate fituar sevape të shtatëdhjetë mijë namazeve. Sot, duke e mbajtur këtë parasysh, të zgjova që të fitosh sevapin e një kohe të namazit. Që të mos shpërblehesh më me sevape të shtatëdhjetë mijë namazeve!"
 
ADHURIMET TONA DHE FALJA
Ata që janë të mençur, për ta falënderuar e për t’i bërë ibadet Allahut teala, duhet të kënaqen me Muhammedin (salall-llahu alejhi ve selem). 
Ai që i përshtatet Muhammedit (salall-llahu alejhi ve selem), është musliman i devotshëm. Obligimet e çdo besimtari sipas Islamit ndahen në dy grupe:               
1. Gjërat që duhet të besohen me zemër dhe
2. Ibadetet që do të bëhen me zemër dhe me trup. 
Më i lartësuari nga ibadetet që bëhen me trup, është namazi. Çdo musliman që është mukel-lef (i ngarkuar, i detyruar), e ka farz që  të falë pesë kohë namaz në ditë