NATA E MIRE E MEULIDIT

Pejgamberi i fundit dhe më i larti nga të gjithë të tjerët i dërguar në botë për mbarë njerëzimin, Muhammed Mustafa alejhisselam ka ardhur në botë në qytetin e Mekes në datën 20 të muajit Prill të vitit 571, datë e cila përkon me datën e 12’të të muajit Rebiul-euuel duke u gdhirë e hënë. Të gjithë muslimanët në mbarë botën e festojnë këtë natë si nata e mirë e Meulidit.

Meulid do të thotë, koha e lindjes. Pejgamberi ynë “sal-lallahu alejhi ue sel-lem” pas shpalljes së revelatës, çdo vit i ka dhënë rëndësi kësaj dite.

Popujt e çdo pejgamberi e kanë pas festuar ditëlindjen e pejamberëve të vet. Sot pra është festa e muslimanëve. Eshtë ditë gëzimi dhe hareje.

Nata e mirë e Meulidit është nata më e mirë pas natës së Kadrit. Në këtë natë Allahu teala i fal ata që gëzohen sepse ka lindur Pejgamberi. Në këtë natë është shumë sevap të dëgjosh ose të lexosh ngjarjet dhe mrekullitë që kanë ndodhur ditën që erdhi në botë i dërguari i Allahut.

Ashtu si edhe në netët e tjera të mira edhe në këtë natë duhet të lexohet Kur’ani kerim, të falen namazet kaza, të jepet sadaka të behen shumë dua dhe të kërkojmë falje të gjynaheve nga Allahu teala.