Untitled Document

MUHAMMED ALI (CLAY)


Emri i vërtetë i boksierit musliman është Cassius Marcellus Clay. Lindi në vitin 1942 në Kentucky të SHBA-së. “Për të mos i vjedhur komshijtë biçikletën” mori mësime boksi nga një polic irlandez. Në moshën 16 vjeçare mori medaljen e artë për peshat super të lehta në turneun Dorezat e Arta në Louisville. Më vonë fitoi medaljen e artë në olimpiadën e Romës. Kur u kthye nga Italia refuzoi të shkonte në luftë me medalje në qafë dhe duke e hedhur medaljen në lumin Ohio, hodhi hapin e parë drejt famës.
Në 26 Shkurt 1964 mori titullin kampion bote i peshave të rënda duke mundur Sonny Liston. Pastaj duke treguar se kishte zgjedhur Islamin çuditi mbarë botën. Në mbrojtjen e dytë të titullit kundër Sonny Liston doli përsëri fitimtar. Deshën ta dërgonin në luftën e Vietnamit por nuk pranoi. Në vitin 1967 u dënua me 5 vjet burgim sepse nuk pranoi thirrjen e ushtrisë amerikane si “Përfaqësues i fesë islame”. Deri në marrjen e një vendimi të prerë iu ndalua të ndeshej. Në vitin 1970 mori pafajsinë dhe u la i lirë. U kthye përsëri ne ring për të rimarrë titullin që ia kishin hequr. Mundi Joe Frezerin në një ndeshje të zhvilluar me 15 raunde. Në kampionatin botëror të peshave të rënda që u zhvillua në Zaire u bë përsëri kampion bote edhe për 4 vjet të tjera. Në vitin 1981 në një ndeshje me 10 raunde mbroi për herë të fundit titullin dhe u largua përfundimisht nga ringu. Fatkeqësisht Muhammed Ali është prekur nga sëmundja Parkinson.
Muhammed Ali i cili është zgjedhur sportisti i shekullit, është zgjedhur edhe si ambasador i paqes nga SHBA. Eshtë martuar 3 herë dhe jeton bashkë me 9 fëmijët dhe 6 nipërit e tij.
Për herë të fundit tek po vizitonte gërmadhat e sulmit të 11 Shtatorit mbi kullat binjake gazetarët i bënë këtë pyetje: “A të vjen turp të jesh nga e njëjta fe me ato që shembën këto kulla?” Ai u ktheu këtë përgjigjë historike: “Po juve a ju vjen turp që keni të njëjtën fe me Hitlerin?”