VITI I RI

Festimi i natës së vitit të ri ndërlidhet ngusht me lindjen e Isaut a.s. sipas të krishterëve. Sipas katolikëve kjo ditë është me 25 dhjetor, kurse sipas orthodoksëve është me 6 janar. Edhe ata kanë caktuar rituale të veçanta për festimin e kësaj nate. Këtë natë ata e kalojnë nëpër kisha duke u lutur me lutje të posaçme. Festimi i parë i kësaj dite ka ndodhur në vitin 336 pas lindjes së Isaut a.s. pasiqë kjo festë në origjinë edhe ashtu trajtohet deri më sot është festë fetare dhe krishtere, ne si musliman duhet të dallohemi prej tyre dhe duhet që mos tu përgjajmë dhe mos ti imitojmë ata. Ndalohet përgjajësimi dhe imitimi i tyre.  Mosbesimtarët mundohen me mish e shpirtë që muslimanët ti imitojnë ata dhe tua dobësojnë besimin dhe sistemin imunitiv që duhet ta kenë, i cili personifikohet në miqësinë dhe armiqësinë për hirë të Allahut.
Konflikti mes të vërtetës dhe të kotës do të vazhdojë me vazhdimin e rruzullit tokësor. Kafirat do të mundohen me të gjithë potencialin e tyre që muslimanët ti kthejnë në mosbesimtarë, mirëpo pa marë para sysh metodat që i përdorin dhe mjetet që i shfrytëzojnë, do të mbeten grupe të muslimanëve të përqëndruar në këtë fe. Kjo është edhe një prej qëllimeve të globalizimit. Globalizim të vlerave. Jo të vlerave të mira, të filtruara dhe të selektuara në bazë të dobisë ndaj njerëzve, por të selektuar me synim të domonimit të kulturës dhe civilizimit perendimor. Allahu xh.sh. urdhëron:
“Ata dëshirojnë që edhe ju të mos besoni sikurse nuk besuan vetë dhe bëheni të njëjtë. Mos zini miq prej tyre...” (En-Nisa: 89)
“O ju që besuat, mos i zini për miq as jehuditë, e as krishterët. Ata janë miq të njëri-tjetrit. E kush prej jush i miqëson ata, ai është prej tyre. Vërtet Allahu nuk vë në rrugë të drejtë popullin zullumqar.” (El-Maide: 51)
Pejgamberi a.s ka thënë:
“Kush i përngjan një popullit ai është prej tyre.” 
E lusim Allahun xh.sh. që të na e mësojë fenë tonë, të na e shtojë besimin, ta udhëzojë rininë tonë, të na mundëson xhennetin dhe të na ruajë nga xhehennemi. Amin.