DUHET TE RUHEMI NGA CDO GJYNAH

Të gjithë gjynahet ngaqë janë kundërshtimi i urdhërave të Allahut janë të mëdha. Në një hadith sherif thuhet:
"T’i shmangesh një gjynahu shumë të vogël, ka më shumë vlerë se sa ibadetet e të gjithë njerëzve dhe xhindëve bashkë."
Inatosja e Allahut teala është e fshehur tek gjynahet. Një njeri për shkak të një gjynahu të vogël mund të dënohet me një ndëshkim të madh. Mund të fusë një njeri që ka bërë ibadet për 100 mijë vjet me radhë për gjithmonë në Xhehennem. P.sh Iblisi i cili i është bindur Zotit për 200 mijë vjet me radhë, vetëm përse u tregua mendjemadh dhe nuk bëri sexhde u dënua pafundësisht me Xhehennem. Belam-i Baura të cilit i është pranuar çdo dua për shkak se veproi një gjynah u nda nga kjo botë pa besim. Që nga ajo kohë ka mbetur shprehja "Ata si ai janë si qeni".
Karuni ishte i afërmi i hazreti Musait alejhis-selam. Ishte aq i pasur sa vetëm për të transportuar çelësat e thesareve te tij i duheshin 40 mushka. Por ngaqë nuk pranoi të jepjte zekatin u shkatërrua bashkë me mallin e tij. Sa'lebe ishte një es-hab i cili bënte shumë ibadet. Nuk dilte nga Xhamia. Përse nuk e mbajti njëherë fjalën e dhënë, vdiq pa besim. Pejgamberit “sal-lall-llahu alejhi ue sel-lem” iu ndalua të bëjë dua për të. Allahu teala edhe shumë njerëz të tjerë si këto i ka dënuar vetëm për shkak të një gjynahu.
Atëherë duhet të largohemi nga çdo gjynah. Edhe kur kryejmë ndonjë gjynah të vogël duhet të bëjmë menjëhërë teube dhe istigfar e të lutemi për faljen e këtij gjynahu.. Besimtari asnjëherë nuk duhet t’i presë shpresat nga Allahu dhe në të njejtën kohë duhet t’i frikësohet shumë atij.
Në një hadith sherif thuhet:
"N.q.s në zemrën e besimtarit ka frikë dhe shpresë, Allahu teala ia jep atij atë çka dëshiron dhe e mbron atë pres asaj që i frikësohet."
Pra nëse një besimtar frikësohet nga Allahu, nuk i heq shpresat nga rrahmeti i Tij, mundohet të ruhët nga gjynahet dhe të bëjë ibadetet, futet në Xhennet.