XHAMIA, KISHA DHE HAVRA (2)

 Për këtë arsye kisha ka pësuar shumë ndryshime gjatë kohës dhe sipas njerëzve të cilëve u drejtohet. Kishat dhe Havrat kanë dalë nga të qënit faltore, janë bërë vende politike dhe konferencash ku dëgjuesve u bëhet lavazhi i trurit, u injektohen idetë e liderave të tyre.
Edhe nëpër xhami ka patur shpesh raste ku njerëz të ndryshëm të futur mes njerëzve të fesë dhe kanë dalur të predikojnë për qëllime politike ose përfitimi. Këta njerëz të cilët nuk kanë lexuar kurrë libra të dijetarëve të vërtetë të fesë por janë mashtruar nga mendimet e filozofëve të ndryshëm janë njerëz për tu ardhur keq. Këta jo vetëm që nuk dinë t’i predikojnë detyrat e fesë por as vetë nuk i kanë mësuar mirë këto gjëra. Njerëz të tillë të prishur kanë dalë në çdo shekull dhe janë munduar të nxjërrin nga rruga muslimanët, këto i kanë sjellë shumë dëme fesë dhe popullit. Këta kanë dalë për të predikiuar përpara dëgjuesve duke treguar histori të bukura dhe duke përdorur fjalë prekëse. Kanë arritur të prekin emocionet e njerëzve dhe i kanë mashtruar ata. Këto nuk quhen dijetarë por hajdutë të fesë dhe besimit. Për t’iu shmangur këtyre gjërave duhet të tregohemi të kujdesshëm me librat që lexojmë dhe të mos e pranojmë si të vërtetë çdo gjë që dëgjojmë pa u bindur më parë për këtë.