TELEVIZJONI

Ekspertët thonë: Tani televizjoni është bërë një mjet i palëvizshëm i qosheve të shtëpive tona. Pa e kuptuar ai i vjedh njerëzve një kohë të gjatë. U merr femijëve kohën e pushimit dhe të lojrave. Kjo ka një ndikim tepër negativ në shëndetin e fëmijëve. Disa nga dëmet kryesore jane: Pagjumësia, prishjet e shikimit, mungesë e vëmendjes dhe e suksesit në mësime. Tek fëmijët që shohin shumë televizjon dalin papritur sëmundje psikologjike dhe ndryshim i shpejtë i sjelljes. Këta gjëra vihen re sidomos pas shikimit të skenave të dhunshme. Gjithashtu shkakton edhe dembelizëm mendor. E lë fëmijën të paditur. E largon atë nga prindëri duke i ftohur shumë marrëdhëniet mes tyre. E shtyn fëmijën drejt vetmisë.
Por televizjoni nuk duhet parë vetëm me syrin e pesimistit. Përdorimi i mirë i televizjonit është në dorën e prindërve. Tëlëvizjoni mund të bëhet një mjet mësimi informacioni dhe dëfrimi.

DITURI PRAKTIKE
❁ Që të ndalojmë derdhjen e vajit kur fërgojmë diçka, përpara vajit në enë hedhim pak kripë. Kur gatuhet mish nuk hidhet kripë sepse kripa e forcon mishin.
❁ Kur gatuajmë një gjellë me mish për t’i dhënë një shije akoma më të mirë, i hedhim brënda pak sheqer.
❁ Peshku i freskët duhet t’i ketë sytë e fryrë.
❁ Për të hequr aromën e gjërave që kemi prerë me thikë, e vendosim tehun e thikës sipër flakës.
❁ Gjatë pjekjes së mishit kur fillojnë të dalin pika të kuqe sipër tij, do të thotë se është pjekur.
❁ Për të kontrolluar nëse rrjedh gaz nga bombula, i vendosim sipër shkumë sapuni.
❁ Po të përdorim lëngun që ka tepruar nga gjella për të bërë supë, nuk i lejmë vitaminat të shkojnë dëm.
❁ Për t’i dhënë shkëlqim copave të stofit, fërkohen me kripë gjelle.
❁ N.q.s pjesa e sipërme ose e poshtme e konservave fryhet, do të thotë që është prishur.