DETY­RAT E BUR­RIT NDAJ GRU­AS

Në librin e të nderuarit Ibrahi Hakki shkruhen këto gjëra rreth detyrimeve që ka burri ndaj gruas:
1-Duhet të sillet gjithmonë mirë me të.
2-Duhet të sillet gjithmonë me butësi.
3-Kur të kthehet në shtëpi, duhet t’i japë selam gruas.
4-Kur është vetëm me të, duhet t’ia shprehë dashurinë.
5-Kur ta shohë të mërzitur, ta pyesë si e ka hallin.
6-Duhet t’i marrë pëlqimin për çdo gjë.
7-Duhet ta ndihmojë atë në edukimin e fëmijëve.
8-Kur të shkojnë bashkë në vendlindjen e saj, duhet të sillet sipas zakoneve të atij vendi.
9-Duhet të mundohet ta ushqejë me gjëra të mira.
10-Nuk duhet ta rrahë gruan.
11-Nuk duhet t’i mbajë mëri më tepër se një ditë.
12-Duhet të ketë durim ndaj veseve jo të mira të saj dhe të mendojë se edhe ai ka të meta.
13-Po t’i shtohet mirësia, duhet falenderuar Allahu.
14-Duhet ta dijë se gruaja e do atë më shumë se të gjithë të tjerët.
15-Duhet të marrë edhe mendimin e saj për punët e shtëpisë.
16-Në shtëpi, i parë duhet të jetë burri e jo gruaja.
17-Nuk duhet t’ia vërë re të metat, të cilat nuk janë haram.
18-Nuk duhet t’i tregojë të tjerëve për të metat e saj.
19-Ndonjëherë duhet ta gëzojë atë duke bërë ndonjë lojë bashkë.
20-Nuk duhet ta lërë atë të shkojë në ndonjë vend që mund ta bëjë atë me fjalë.
21-Duhet t’i mësojë asaj fenë, haramin, hallallin dhe detyrat e tjera të fesë.
22-Nuk duhet të niset për luftë pa i marrë leje gruas.
23-Nuk duhet t’i tregojë asaj armiqtë dhe borxhet e tij.
24-Duhet të bëjë dua për të.