BESIMI

Kushti i parë nga pesë kushtet e Islamit është besimi (imani). Besimi plotësohet kuke e besuar me zemër dhe duke e deklaruar me gojë. Ndërsa katër kushtet e tjera të Islamit bëhen me trup, ndërsa nijeti (qëllimi) i bërjes së tyre bëhet me zemër. Namazi është ibadeti i cili i përmbledh të gjithë kushtet e tjera brënda tij dhe për këtë është ibadeti më i lartë dhe më me vlerë. Pyetja e parë në ditën e Kijametit do të bëhet nga namazi. Nëse njeriu arrin ta kalojë këtë atëherë pyetjet e tjera me lejen e Allahut do të kalojnë me lehtësi.
Ne duhet të ruhemi me të gjitha fuqitë tona nga haramet. Veprimet që nuk i pëlqen Allahhu duhet ti cilësojmë si helm vdekjeprurës, e asnjë nuk dëshiron ta pijë një helm të tillë me dëshirë. Duhet të mendojmë përherë për të metat dhe gabimet tona dhe duhet të turpërohemi për këto gabime që kemi bërë dhe duhet të pendohemi. Vetëm kështu mund të bëhemi krijesa siç na dëshirom Allahu. Ai që bën veprime të cilat nuk i pëlqen Allahu, pa u turpëruar dhe pa u penduar, ka kundërshtuar Allahun.

NJE GOTE UJE
Njëra nga evlijatë e mëdha, e nderuara Rrabia Advijje, agjëronte shumë. Një herë nuk gjeti asgjë për të ngrënë për një vavë rresht dhe në ditën e tetë i’u shtua shumë uria.
Në këtë moment dikush i solli një pjatë gjellë. E mori pjatën e gjellës e vendosi në tokë dhe shkoi të ndizte një qiri. Kur u kthye pa se macja kishte derdhur pjatën e gjellës. Mori për të pirë një gotë ujë, por në atë moment u fit qiriu dhe nga errësira i ra gota nga dora e u thye. Ajo nxorri një rënkim dhe tha: “O Allah! Po e vë në provë robin Tënd nevojtar por nga pafuqia nuk po bëj dot durim.” Pikërisht në këtë moment u dëgjua një zë:
“Rrabia! Po deshe i derdh të gjitha mirësitë e botës mbi ty. Po deshe ti heq të gjitha mundimet që ke.”
Rrabia e dëgjoi këtë dhe bëri dua:
“O Allah! Më bëj të mundur që të merem vetëm me Ty! Mos më përziej mua me punë që bë bëjnë të të harroj Ty e më largojnë nga Ty!...”