ANKESA E NJE MEXHUSI (1)

(NJERI QE I LUTET ZJARRIT)

Në kohen kur Halife ishte hazreti Omeri, komandanti i ushtrisë së tij QQSa'd bin Ebi Uakas dëshironte të ndërtonte një shtëpi në Kufe. Pranë vendit ku do të bëhej ndërtesa ishte edhe shtëpia e një mexhusi. Duhej që ta blinte edhe atë vend. Mexhusi nuk pranoi që ta shiste. Shkoi në shtëpi e u këshillua me gruan. Ajo i tha "Ata kanë një halife në Medine. Shko edhe ankohu tek halifeja e tyre." Shkoi në Medinë dhe filloi të kërkonte për pallatin e halifes. I thanë:

- Ai nuk ka pallat.

- Po ku mund ta gjej tani?

- Ka dalë jashtë qytetit.

Shkoi ta kërkonte. Nuk pa asgjëkundi ushtarë ose roje. Pa vetëm një njeri i cili ishte shtrirë në tokë, i shkoi pranë dhe e pyeti.

- A e ke parë halife Omerin?

Njeriu që kishte përballë ishte vetë hazreti Omeri, por bëri sikur nuk kuptoi.

- Përse e kërkon atë?

- Komandati i tij kërkon ta blejë shtëpinë time me zor. Kam ardhur që t’i ankohem halifes për komandantin.

Hazreti Omeri shkoi në shtëpi bashkë me mexhusin. Në shtëpi nuk gjeti dot letër. Pa një copë kockë. E mori kockën dhe pas fjalës Bislil-lah shkruaji në të: "O Sa'd, mos ia thyej zemrën këtij mexhusi, ose kthehu menjëherë tek unë!" Mexhusi me kockën në dorë u kthye në shtëpi të tij dhe i tha gruas: "Më kot u lodha. Kur ta shohë komandati këtë copë kockë do të mendojë se po tallem me të dhe do të inatoset shumë." por pas këmbenguljes së gruas e mori kockën e u paraqit tek komandati. (Vijon)