DETYRAT E MUSLIMANIT

Muslimanët duhet ti japin shumë rëndësi bashkimit të popullit, duhet të ndihmojnë si materialisht ashtu edhe shpirtërisht për rimëkëm bjen e vendit, duhet të kryejnë detyrat dhe të shlyejnë borxhet që kanë ndaj Allahut teala dhe shoqërisë. Duhet të paisen me edukatën e mirë islame e nuk duhet ti bëjnë dëm askujt. Një musliman nuk duhet të nxjerrë kurrë ngatërresa. Sepse kështu na urdhëron feja jonë që të sillemi.
Detyrat kryesore të muslimanit janë: të mos i bindet shejtanit e të mos veprojë si ata njerëz kryeneçë e të shthurur, ti druhet kundërshtimeve të ligjeve dhe të ketë frikë të kryejë gjynahe ndaj Allahut teala. Allahu teala u ka dhënë tre detyra njerëzve. Këto janë:
Detyra e parë: Detyra ndaj vetvetes. Çdo musliman duhet të shkollohet, të jetë i shëndetshëm e me edukatë, të sillet mirë, të bëjë të gjitha ibadetetdhe të punojë për ta fituar ushqimin nga hallalli.
Detyra e dytë: Detyra që ka në familje. Çdo musliman duhet të çojë në vend të gjitha detyrat që ka ndaj gruas, prindërve, fëmijëve, motrave dhe vëllezërve të tij.
Detyra e tretë. Detyra që ka në shoqëri. Detyra që ka ndaj familjes, komshinjve, mësuesve, nxënësve, atyre që drejton, shtetit, atdheut dhe detyra ndaj atyre që i përkasin një feje apo populli tjetër.