LUTJA PAS NAMAZIT (2)

SHPJEGIM: Kushtet për të qenë lutja e pranuar:
1. Të jesh musliman. 
2. Të jesh në I'tikadin e Ehli sunnetit. Për këtë arsye duhet përqafuar  njëri nga katër medhhebet. 
3. T'i kryesh farzet. Namazet e mbetura kaza të falen sa më parë duke bërë kaza netëve apo në vend të sunnetëve. 
Namazet sunnet dhe nafile dhe lutjet e atij që i kanë mbetur për farz nuk pranohen si namaze kaza. Domethënë, edhe nëse është i vërtetë nuk i jepet sevap. Shejtani për t'i mashtruar muslimanët, farzet i paraqet të parëndësishme dhe i tërheq muslimanët që t'i kryejnë sunnetet dhe nafilet. Namazi duhet falur kur i fillon koha dhe duke e ditur se i ka ardhur koha. 
4. Duhet të largohesh nga ndalesat, punët e këqija. Lutja e atij që ha nga hallalli është e pranuar. 
Në një hadith të Pejgamberit tonë thuhet:
"Për të qenë lutja e pranuar, nevojiten dy gjëra: E para, lutja duhet bërë me ihlas(sinqeritet). E dyta,të ngrënët e të pirët duhet të jenë prej hallallit. Në dhomën e besimtarit, nëse ka një fije prej haramit, lutja e bërë në këtë dhomë, nuk pranohet fare".
Ihlas, domethënë, të mos mendosh asgjë përveç Allahut dhe kur kërkon diçka, të kërkosh vetëm nga Allahu. Për këtë arsye duhet besuar dhe i duhet nënshtruar sheriatit ashtu siç na kanë mësuar dijetarët e Ehli sunnetit, sidomos të mos kesh hak (borxh) të një robi-njeriu tjetër dhe t'i falësh pesë kohët e namazit.