NJE LETER E PEJGAMBERIT (2)

Të mos merret asgjë nga kishat e tyre e të përdoret nëpër faltoret e muslimanëve! Kush vepron në kundërshtim me këtë nuk ka dëgjuar fjalën e Allahut teala dhe të Pejgamberit të Tij dhe është futur në gjynah.
Nga ata persona të cilët nuk merren me tregti, por merren vetëm me ibadet mos i merrni ato taksa të cilat janë vendosur vetëm për jomuslimanët! Unë i fsheh borxhet e tyre në det dhe në tokë, në lindje dhe në perëndim. Ata janë nën mbrojtjen time. Unë u kam dhënë fjalën atyre.
Mos merrni taksa mbi të mbjellat nga ata të cilët jetojnë në mal dhe merren vetëm me ibadet! Sepse këto të mbjella ato i kanë vetëm për të plotësuar nevojat e tyre, jo për qëllime fitimi. N.q.s keni nevojë për njerëz për t’i dërguar në luftë mos i thërrisni ata. N.q.s duhet të merrni taksë personi sado të pasur që të jenë, sado shumë mall dhe pasuri që të kenë mos merrni më tepër se 12 dirhem (12 dirhem=6 gram ar) në vit! Mos i mundoni dhe mos u nxirrni vështirësi atyre. N.q.s do t’ju duhet të këshilloheni me ata për diçka silluni mirë dhe tregohuni të mëshirshëm. Mbulojini ata gjithmonë me krahët e mëshirës.
Kudo që të jetë ndonjë grua e krishterë e martuar me burrë musliman, mos u sillni keq me të! Mos i pengoni ato që të shkojnë në kisha dhe të bëjnë ibadetet e tyre. Kushdo qoftë që nuk vepron sipas këtyre urdhërave të Allahut teala, por vepron në kundërshtim me to quhet sikur ka ngritur krye ndaj Allahut teala dhe Pejgamberit të Tij. Duhet t’i ndihmoni këta në riparimet e kishave të tyre. Kjo kontratë do të vazhdojë deri në ditën e Kijametit, do të rrijë e pandryshuar deri në fundin e botës dhe askush nuk do të veprojë në kundërshtim me këtë.”
[Kjon letër i është shkruar Hazreti Aliut në vitin e dyte Hixhri]