SELMAN FARISI

I nderuari Selman Farisi përpara se të bëhej musliman ishte shërbëtori i një çifuti. Nje ditë pronari i Selmanit po fliste me dikë tjetër, në prani të tij. Gjatë bisedës, e dëgjoi atë të thonte: 'Ka ardhur një njeri nga Mekka. Thotë se është Pejgamber'. Kërkoi të kuptonte më shumë, por pronari e goditi me shpullë dhe e përzuri duke i thënë "çtë duhet ty, ti shko shih punën tënde". Ngaqë i kishte dëgjuar më parë veçoritë që duhet të kishte Pejgamberi, në mbrëmje mori një tas me hurma dhe shkoi në Kuba. Shkoi pranë Resulullahut “sal-lall-llahu alejhi ue sel-lem” dhe i tha:
- Këto hurma jua kam sjellë sadaka juve.
Resulullahu mblodhi es-habët që i kishte pranë dhe i tha:
- Urdhëroni hani nga këto hurma!
Megjithëse es-habët filuan të hanin, Resulullahu nuk hëngri. Selmani mendoi me vete "Ja kjo është veçoria e parë, nuk e pranon sadakanë". Shkoi në shtëpi mori disa hurma të tjera dhe ia solli Resulullahut.
- Këto janë dhuratë.
Kur e pa se këtë herë Resulullahu filloi të hante së bashku me es-habët, mendoi "kjo është veçoria e dytë". Hurmat që kishte dërguar nuk ishin më shumë se 25 kokrra, por me mrekullinë e Resulullahut u bënë 1000. Kur e pa këtë gjë Selmani tha me vete "tani pashë edhe një veçori tjetër". Kur shkoi ditën tjetër pranë Resulullahut, ishin duke varrosur një njeri. Kishte shumë dëshirë që të shikonte vulën e pejgamberisë. Pejgamberi e kuptoi dëshirën e madhe të tij dhe ngriti këmishën. Sapo e pa vulën e puthi dhe filloi të qante. Po në atë moment ra në shehadet dhe u bë musliman.