SI NOTOI ANIJA

Kur iu urdhërua Nuhut alejhis-selam përpara tufanit të tmerrshëm që të ndërtonte një anije, bëri gati dërrasat. Me këshillën e Xhebrailit alejhis-selam, shkruajti në çdo dërrasë emrin e nderuar të një Pejgamberi. Por të nesërmen të gjithë emrat ishin fshirë nga dërrasa. I erdhi shumë keq për këtë gjë. I shkroi emrat 3 herë, por të nesërmen ishin fshirë përsëri. Kjo e fshehtë u zgjidh me anë të kësaj revelate që iu zbrit Nuhut alejhis-selam:
"Tek dërrasa e parë shkruaj emrin Tim, ndërsa tek e fundit emrin e të dashurit tim Muhammed alejhis-selam, që shejtani të mos fshijë emrat e tjerë"
Nuhu alejhis-selam bëri siç u urdhërua dhe e ndërtoi anijen. Por i tepruan 4 dërrasa. Për këtë pyeti Xhebrailin alejhis-selam:
"O Xhebrail! Çfarë të bëj me 4 dërrasat që më tepruan?"
Engjëlli ia bëri pyetjen Allahut. Nuhut alejhis-selam i erdhi kjo përgjigje:
"O pejgamber i madh! Tek ato 4 dërrasa shkruaj emrin e 4 halifeve të Pejgamberit tim të fundit! Anija atëherë do të jetë e përfunduar. Ata 4 njerëz janë si 4 shtyllat e Islamit. Islami në sajë të tyre qëndron në këmbë dhe në sajë të tyre përhapet në gjithë botën!"
Anija u përfundua në këtë mënyrë dhe më në fund arriti të notonte.