IB­RA­HIM BIN ET­HEM

MESIMI QE I DHA SHERBETORI
Ibrahim bin Ethem në kohën kur ishte akoma princ, u fut në dhomën e tij dhe pa që në shtratin e tij ishte shtrirë shërbëtori, u inatos shumë nga kjo gjë dhe urdhëroi që ta rrihnin. Duke u rrahur shërbëtori filloi të qeshte. Ibrahim bin Ethem e pyeti për arsyen. Shërbëtori iu përgjigj:
- Duke pastruar shtratin tënd u shtriva aty për një çast dhe për këtë gjë po rrihem. Ndërsa ju keni vite që shriheni në atë krevat. Po mendoja si do të vejë halli jot në Ahiret dhe më erdhi për të qeshur.
Që nga ai moment Ibrahim bin Ethem e braktisi postin e tij dhe u bë nga evlijatë.
PYET TE TJERET
Një herë Ibrahim bin Ethem zuri një shok të ngushtë. Pas disa kohësh iu desh të ndaheshin dhe shoku i vet e pyeti:
- Jemi shokë prej një kohe të gjatë. N.q.s gjatë kësaj kohe ke vënë re ndonjë gabim tek unë ma thuaj që të mos e përsëris më.
Ibrahim bin Ethem i tha:
- Vëlla nuk kam vënë re asnjë të metë tek ty. Të kam parë gjithmonë me sytë e shokut prandaj tek ti kam parë vetëm të mirat. Nëse kërkon të mësosh gabimet pyet të tjerët.
TE VEPROSH ATO QE KE MESUAR
I nderuari Ibrahim bin Ethem tek po ecte një ditë në rrugë pa një gur. Mbi të shkruhej "ktheje dhe lexo". E ktheu dhe lexoi këtë shkrim:
" N.q.s nuk vepron sipas atyre që ke mësuar përse dëshiron të mësosh ato që nuk i di?"
E prekën shumë këto fjalë. Tha "o Zot! Ai që të ka njohur nuk të ka njohur si duhet. Si do t’i vejë halli atij që nuk të njeh?" dhe filloi të qajë me të madhe.
ROBI I KUJT JE
Një ditë e pyetën:
- Robi i kujt je ti?
Filloi të dridhet dhe u rrëzua përdhe kaloi nga vetja dhe filloi të përpëlitet. Kur erdhi në vete u ngrit në këmbë dhe lexoi një ajet.
Kur i thanë "Përse nuk ktheve përgjigje?", u përgjigj:
Pata frikë. Po të them se jam robi i Tij, kërkon prej meje detyrat e robit; të them se nuk jam, këtë të dytën nuk e them dot fare.