RENDESIA E SALAVATIT (2)

Fjala selam ka shumë kuptime të përbashkëta. Allahu Teala në ajetin 56 të sures El Ahzab siç na urdhëron t’i sjellim profetit tonë salavat, na urdhëron t’i sjellim edhe selam. Kuptimet e fjalës selam janë: përshëndetje, siguri dhe gjithashtu eshtë një nga emrat e Allahut. Kuptimet e fjalës selam ndahen në tre lloje:
1. Kuptimi rrënjësor i fjalës (Es-selamu Alejkum) paqja dhe siguria qoftë me ju. 
2. Duke qenë një nga emrat e Zotit, në këtë rast fjala “selam” merr kuptimin “të ruajtë Zoti, qoftë ai garantuesi i sigurisë tënde”. 
3. Bindje ndaj urdhëruesit dhe paqe. 
Mbasi mësuam kuptimet gjuhësore të fjalës selam të qëndrojmë pak mbi kuptimin e saj kur i jepet profetit tonë të dashur Muhammedit (s.a.v.s). 
Sevapet (mirësitë) që shkruhen për në Ahiret janë: Falja e umetit tij dhe vazhdimi i rritjes së mirësisë së tij. Nga ana tjetër ‹bnul Arabi thotë: “Ai qe i jep salavat profetit tonë, Profeti ynë (s.a.v.s) ia rikthen atij atë, dhe kush jep salavat me nijet të pastër tregon bindjen, dashurinë dhe respektin ndaj profetit tonë (s.a.v.s).
Gjithashtu t’i sjellësh salavat e selam Profetit tonë (s.a.v.s) do të thotë të ndërtosh lidhje me shpirtin e tij dhe në botën tjetër të marrësh dobi e mirësi prej dritës (nurit) së tij. Kjo do të thotë që kush i sjell profetit tonë (s.a.v.s) salavat dhe selam, Profeti ynë kërkon mëshirë për të prej Zotit të gjithësisë.