KRIJUESI I GJITHESISE (2)

Qoftë edhe për një gjynah të vogël, në dashtë Ai e dënon. Ai ka njoftuar se ata që kanë vdekur si kafira (jobesimtarë) dhe si murted (tradhëtar), nuk ka për t'i falur kurrësesi dhe se ata përjetë do të torturohen në Xhehennem. 
TE SHOHESH ALLAHUN TEALA
Por asnjë nuk e ka parë Atë. Banorët e Xhennetit do të kenë mundësinë ta shohin përherë Madhështinë e Tij, ashtu edhe ëngjëjt. Kurse kafirët nuk do të kenë fatin që t'a shohin përsëri. Edhe për xhindët thuhet se nuk do të mund ta shohin më. 
Në një hadith është trasmentuar se: “Ditën e kijametit Allahun e Madhëruar do të mundni ta shihni siç shihni hënën katërmbdhjetëshe”. Llogjika jonë e cekët ashtu si te kjo botë edhe në botën tjetër nuk do të mundi të konceptojë mbi bukurinë dhe Madhështinë hyjnore të Allahut teala. 
Allahu Madhëruar nuk ka anë dhe nuk mund të thuhet se Ai ndodhet në këtë anë apo në anën tjetër, ndodhet përballë apo lartë. Allahu s'është ndonjë përzierje dhe as komponim. Nuk është numruar, nuk matet dhe nuk llogaritet dot. Tek Ai nuk mund të ndodhi asnjë ndryshim. Ai nuk ka vend dhe nuk ndodhet në një vend të caktuar. Nuk ka asnjë lidhje me kuptimin e kohës. Tek Ai nuk ka përpara apo pas, nën ose përsipër, djathtas ose majtas. Prandaj mendja dhe arsyetimi ynë njerëzor s'është në gjëndje të kuptojë vetitë dhe cilësitë e Tij. Ne nuk mund të kuptojmë dhe të arrijmë të përfytyrojmë pamjen e Tij. 
Muhammedi alejhis-selam Allahun e Madhëruar e pa natën e Mi'raxhit. Por nuk e pa me sy të lirë që shohim zakonisht, por pas një perdeje.