PERDORIMI I MISVAKUT

Përdorimi i misvakut, kruajtësja e dhëmbëve, furça dhe fija e dhëmbëve luajnë një rol të rëndësishëm për shëndetin e gojës dhe të dhëmbëve. Tek përdoruesit e rregullt të misvakut dallohet qartë se ndalon prishja e dhëmbëve, forcohet mishi i dhëmbëve dhe zhduket era e gojës.
Përdorimi i misvakut gjatë abdesit është synnet. Në një hadith sherif thuhet: “Namazi që falet duke përdorur misvak është 70 herë më i lartë se ai i falur pa misvak”.
Misvaku është degë e pemës “Salvadore Persica” e cila rritet në Arabi. Misvaku duhet të ketë trashësinë e gishtit të unazes, të jetë i drejtë dhe të jetë i gjatë një pëllëmbë. Majës së misvakut i zhvishet 2 cm lëkura dhe pjesa e zhveshur lihet disa orë në ujë. Pastaj kjo pjesë shtypet dhe merr formën e dhëmbëzave të furçës. N.q.s nuk gjendet dot misvak duhet të përdoret furça.
Nga përdorimi i misvakut ka më tepër se 30 përfitime. I pari, bëhet shkas që të japim shpirt me besim. Gratë kur nuk agjërojnë duhet të përdorin çamçakëz me nietin e synnetit.
Ti pastrosh dhëmbët me misvak ose me kruajtëse dhëmbësh pas çdo here që ha diçka është synnet. Kjo është pastërti. Pastërtia e forcon besimin. Kjo gjë duhet të bëhet në lavaman e jo në tavolinë në sy të të tjerëve.