BESIMI NE DITEN E AHIRETIT (3)

URA E SIRATIT
Për këtë arsye kësaj rruge Allahu teala i ka thënë: Siratul mustakim. Kjo deri diku e ka kuptimin se të jeshë në rrugën e Islamit është sikur të kalosh urën e siratit. Pra ata që do ti kalojnë vështirësitë e kësaj rruge në këtë dynja, në botën tjetër këtë urë do ta kalojnë pa problem.
PESHORJA QE QUHET MIZAN 
Ditën e kiametit, për t'i matur veprat dhe punët që kemi bërë, do të jetë një mjet peshimi (mizan). Vetëm njëra pjesë e kësaj peshoreje mund të nxejë qiellin dhe tokën marrë së bashku. Një anë e saj është për të matur sevapet dhe tjetra për të matur mëkatet. Pjesa e sevapeve është e shndritshme dhe ndodhet në anën e djathtë d. m. th. në anën e Xhennetit. Pjesa e gjynaheve është në anën e majtë, në anën e Xhehennemit. Punët e bëra në botë gjatë gjithë jetës, fjalët e folura, mendimet dhe shikimet aty do të marin formën e vet. Të mirat e bëra do të duken të ndriçuara, të shkëlqyeshme, kurse të këqijat do të duken të errta e të zymta. Të gjitha këto do të peshohen në këtë Peshore. Ky mjet peshimi nuk ka të bëjë me ato peshore të botës dhe nuk mund të gabojë. Ana më e rëndë ngrihet lart, kurse ajo e lehta zbret poshtë. Sipas disa dijetarëve ky mjet peshimi do të jetë ndryshe, kurse shumë nga ata thonë se në fe nuk është caktuar se sa do të jenë dhe si do të jenë ato mjete peshimi. Këto gjëra nuk duhet të diskutohen. 
(Vijon)