RENDESIA E FARZEVE

Vlera e ibadeteve nafile në krahasim me ato farze është pothuajse zero. Shejtani i mashtron njerëzit dhe i bën ata që t’i shohin farzet të vegjël. Nuk i lë ata të kryejnë ibadetet që kanë lënë kaza por i shtyn ata të merren me nafile. I pengon ata të japin zekat duke ua lavdëruar shumë sadakanë. Në një kohë që t’i japësh një nevojtari një flori me nijetin e zekatit, ka më shumë vlerë vlerë se 100000 mijë florinj të dhënë me nijetin e sadakasë. Sepse dhënja e zekatit është farz, ndërsa ajo që jepet pa nijetin e zekatit është ibadet nafile.
Muslimanët e ditëve të sotme lejnë farzet dhe kapen pas ibadeteve nafile. P.sh i japin rëndësi të madhe këndimit të meulidit, ndërtimit të xhamive, dhënjes së sadakasë etjÅc dhe lejnë pas dore gjërat që janë me gjithëmend të rëndësishme si 5 kohët e namazit, agjërimin e Ramazanit, pagimin e borxhit, mësimin e hallallit dhe haramit etj.
Sadakaja dhe shumica e ndereve e bëjnë që të fitojnë famë, respekt dhe të përmbushin dëshirat e nefsit. Ndërsa kur bëhet një ibadet farz bëhet vetëm për të fituar kënaqësinë e Allahut.
Kafirët edhe n.q.s bëjnë ndonjë punë në përputhje me urdhërat e fesë, kjo nuk u bën asnjë dobi atyre, sepse ata nuk kanë besuar.
Ibadetet më me vlerë janë ato ibadete që na janë bërë farz. Pas këtyre vijnë sipas methhebit Shafii namazet sunnete, sipas methhebit Hanbeli xhihadi, sipas methhebeve Hanefi dhe Maliki vijnë mësimi i diturisë, përhapja e saj dhe xhihadi.
Vlera e ibadeteve nafile në krahasim me ato farze nuk është as sa një pikë ujë në krahasim me një oqean të madh.