DITA E PREMTE ESHTE FESTE

Dita e Premte është dita më me vlerë nga të gjithë ditët e tjera, është festa e muslimanëve. Eshtë më me vlerë se festat e tjera.
Ademi alejhisselam u krijua ditën e Premte. Ditën e Premte u nxorr nga Xhenneti. Ata që janë në Xhennet ditën e Premte do të shohin Allahun teala. Allahu teala ditën e Premte e ka krijuar posaçërisht për muslimanët. Pas namazit të xhumasë kush të dojë është i lirë të shkojë të punojë. Tregtia në kohën e namazit te xhumasë është gjynah. Ibadetet që bëhen ditën e Premte kanë të paktën dyfishin e sevapeve të ibadeteve të bëra në ditët e tjera. Edhe gjynahet që bëhen në këtë ditë shkruhen dyfish. Dita e Premte është më me vlerë se nata e Premte.  Në hadithe sherife thuhet:
“Ashtu si iu dha dita e Shtunë Izraelitëve, dita e Dielë të krishterëve, dita e Premte iu dha muslimanëve. Në këtë ditë për muslimanët ka shumë të mira.”
“Kur një besimtar gëzohet se ka ardhur dita e Premte, deri në ditën e kijametit merr aq shumë sevape në ditë sa vetëm Allahu teala e di shumën e tyre.”
“Besimtarët që vdesin në ditën e Premte marrin sevapin e një shehidi dhe nuk i provojnë mundimet e varit.”
“Dita më me vlerë është e Premtja. Dita e Premte është më me vlerë se ditët e Bajramit dhe se dita e Hashures. E Premtja është festa e besimtarëve në këtë botë dhe në ahiret.”
“Atij që çdo ditë të Premte viziton varrin e nënës dhe të babait, ose të njerit nga këto, i falen gjynahet. E ka çuar në vend detyrën si fëmijë.”
“N.q.s një musliman merr gusul dhe shkon të falë namazin e xhumasë, i falen gjynahet  e një jave dhe merr sevap për çdo hap që bën.”
“Një njeri që pret thonjtë ditën e premte është i ruajtur nga fatkeqësitë e një jave.”
“E Premtja është haxhi i te varfërve dhe festa e besimtarëve. Edhe ne Xhennet është festë. Dita me e mirë dhe më e nderuar është dita e Premte.”