ISAI ALEJHISSELAM ESHTE PEJGAMBER

Pyetje: Të krishterët thonë “Isai alejhisselam nuk është pejgamber por është Zot”.

Përgjigje: Pranija e Zotit është gjithmonë e nevojshme. Atëherë gjërat materiale nuk mund të jenë kurrë Zot. E vërteta është se Isai alejhisselam u krijua nga mosegzistenca dhe sipas mendimit të krishterëve u vra. Në fillim ishte fëmijë më pas u rrit. Hante dhe pinte. Fliste, flinte, zgjohej dhe ecte njëlloj si ne. Si çdo njeri kishte nevojë për shumë gjëra për të jetuar. A mund të jetë Zoti nevojtar? Diçka që krijohet nga mosegzistenca a mund të jetojë përgjithmonë deri në pafundësi?

Të krishterët thonë se Isai alejhisselam megjithëse u arratis dhe u fsheh u gjet nga izraelitët dhe u kryqëzua, u mërzit shumë nga kjo gjë. N.q.s Isai alejhisselam ishte Zot ose një pjesë e Zotit, a nuk kishte mundësi ai të mbrohej ai nga izraelitët, a nuk mund t’i zhdukte dot ata? Nuk kishte pse të mërzitej dhe të kërkonte vend për tu fshehur. N.q.s ishte Zot kur u kryqëzua ai do të kishte vdekur Zoti i gjithësisë, bota do të ngelej pa Zot. Mbi të gjitha Isai alehjisselam bënte ibadet. A i bën Zoti ibadet vetes së tij? Seâdet-i Ebediyye: 348