FEMIJET DHE RINIA

Në Ajetin e 6’të të sures Tahrin thuhet: “O ju që besuat, ruajeni veten dhe familjen tuaj nga zjarri, lënda djegëse e të cilit janë njerëzit dhe gurët. Atë (zjarrin) e mbikëqyrin engjëj të rreptë e të ashpër të cilët nuk e kundërshtojnë Allahun për asgjë që Ai i urdhëron dhe punojnë atë që janë të urdhëruar.” Për një baba të ruajë fëmijën e tij nga zjarri i Xhehenemit është më e rëndësishme se sa ta rujaë atë  nga zjarri i tokës. Mbrojta nga zjarri i Xhehenemit bëhet duke i mësuar besimin, farzet, haramet, duke e mësuar t’i bëjë ibadetet dhe duke e larguar atë nga shokët e pamoralshëm dhe të pafe.
Ata prindër të cilët nuk u mësojnë fëmijëve  të tyre besimin dhe islamin i kanë privuar fëmijët e tyre nga të qënit muslimanë dhe bëhen shkas që fëmijët e tyre të bëhen kafirë. Edhe vetë bashkë me fëmijët do ta vuajnë dënimin e kësaj në Xhehenem. Çdo musliman duhet t’i mësojë fëmijës së tij kushtet e besimit. Fëmija e një nëne dhe e një babai musliman i cili ka arritur pjekurinë mendore nuk bëhet musliman vetëm dukë thënë “La ilahe il-lallah Muhammedun resulullah”. Duhet ta dijë dhe ta shpjegojë Islamin. Ta shpjegosh besimin do të thotë t’i kuptosh 6 kushtet e besimit dhe të dish të përgjigjesh kur pyetesh për to. Të dish Islamin do të thotë të pranosh të gjitha urdhërat dhe ndalesat e Allahut teala.
Ata që nuk i besojnë fesë islame, për t’i mashtruar të rinjtë thonë: (Fenë e kanë krijuar njerëzit, në fillim ishte totemizmi, pastaj besimi në shumë zota, ndërsa tani ka dalë mendimi i një Zoti të vetëm. Fetë janë bërë pengesë e civilizimit dhe shkencës). Shpifin kundër Islamit, gënjejnë haptazi. I kërkojnë dituritë e mendjes dhe shkencës brenda Islamit. E tregojnë Islamin sikur është larg shkencës dhe kundër saj. Mundohen të  përhapin mendimin se për të mësuar dituritë e shkencës duhet të largohesh prej Islamit. Ata njerës të mençur të cilët e studjojnë fenë Islame dhe  e kuptojnë rëndësinë e madhe që i jep kjo fe shkencës dhe diturisë nuk bien pre e ketyre mashtrimeve.