GJIDHENJA ILAÇ PER NENEN DHE PER FEMIJEN (4)

Është për t'u përmendur se përbërja e qumështit të nënës ndryshon në mënyrë fiziologjike duke iu përshtatur nevojave të fëmijës në etapa të ndryshme.
Në lidhje me rëndësinë e gjidhënies Lancet ka thënë: Nëse do të ekzistonte një vaksinë që do të pengonte vdekjen e miliona fëmijëve në vit, që nuk ka efekte anësore, që mund të merret nga goja dhe që është ekonomike, do të praktikohej menjëherë për vetë faktin se është mënyra ideale imunitare për shëndetin e shoqërisë. Dhe ja, të ushqyerit me qumështin e nënës është një mënyrë e tillë imunitare. (Lancet 1994; 344:1239) 
Këto janë disa përfundime që shkencëtarëve (sidomos të botës perëndimore) u është dashur një kohë e gjate për t'i thëne pas kryerjes së një sërë eksperimentesh me shpenzime të mëdha. Ndërkohë që bota islame nuk ka vuajtur nga nje problem i tillë. Allahu (xh.sh.) që i lartësoi muslimanët me Islamin, ua ka bërë të ditur nënave muslimane se si duhet të veprojnë me fëmijët e tyre. Në Kur'anin famëlartë Allahu thotë: 
"Nënat, ato që duan ta plotësojne gjidhënien, janë të obliguara t'u japin gji fëmijëve të vet dy vite të plota..."(2:233) 
"…nëna e vet atë (njeriun) e mbarti me mund pas mundi dhe pas dy viteve ia ndau gjirin…"(31:14) 
Urdhëri është i qartë dhe është i njëjtë me atë që shkencëtarët arritën ta thonë vetëm pak vite më parë. Por, me keqardhje dua të them se fatkeqësisht shume nëna muslimane nuk i kanë lexuar ose nuk i kane kushtuar rëndësinë e duhur këtyre ajeteve, por të ndikuara nga reklamat e shumta po kërkojnë zgjidhje tek pediatrët modernë perendimorë, edhe pse Profeti (s.a.v.s) na thotë: "Për fëmijën nuk ka qumësht më të mire se ai i nënës së tij".