NATA E KADRIT (1)

Allahu xh.sh. e madhëroi muajin e Ramazanit duke e dalluar atë prej muajve të tjerë, sepse në të filloi shpallja e Kur’anit famëlartë “Muaji i Ramazanit është muaji në të cilin filloi të shpallet Kur’ani, udhëzim për njerëzit dhe argument i qartë i rrugës së drejtë.” El-Bekare 185, urdhrohet.
Në këtë muaj e veçoi dhe e dalloi një natë të bekuar, Natën e Kadrit, nga mëshira e pakufishme për ummetin e të dërguarit të Tij, “Ne e zbritëm atë(Kur’anin) në një natë të bekuar” Ed-duhan 3,urdhërohet, natë ku përgjithmonë u hap perdeja e errësirës dhe injorancës verbuese, natë kur shndritën mendjet dhe zemrat nga drita e mëshirës së lartë Hyjnore. Të flasësh mbi vlerën e kësaj nate është vërtet vështirë, sepse të mirat dhe dhuntitë e Allahut xh.sh. janë të pakufishme, kjo natë siç na shpjegon Kur’ani është më e vlefshme se një mijë muaj në të cilën nuk ka natë si kjo.
Duke kuptuar rëndësinë dhe vlerën e madhe të kësaj nate të lavdishme pejgamberi a.s gjatë Ramazanit e veçanërisht në dhjetë ditët e fundit e shtonte edhe më tepër ibadetin(adhurimin), duke u lutur dhe falur namaz natën, duke e zgjuar tërë familjen që ta madhërojnë këtë natë të cilën Allahu xh.sh. e fisnikëroi me zbritjen e Kur’anit, në të cilën natë zbresin engjëjt në krye me Xhibrilin me urdhërin e të Madhërishmit, për të parë se si e bartën emanetin e Allahut xh.sh. ata të cilët pranuan dhe përqafuan me zemër të pastër hidajetin, mëshirën dhe dritën e lartë Hyjnore.
Megjithë këtë vlerën dhe rëndësinë e kësaj nate e di vetëm Krijuesi i qiejve dhe i tokës, Ai i cili përcakton çdo gjë, i lartësuar qoftë.   (Vijon)