DHJETE DITET E PARA TE MUAJIT DHUL-HIXHE (3)

Tekbiri pas namazit të detyrueshëm me xhemat
Për haxhiun tekbiri fillon pas ritualit të drekës ditën e dhjetë, ndërsa për të tjerët fillon nga rituali i mëngjesit i ditës së 9-të. Tekbiri duhet thënë pas çdo namazi të detyrueshëm në xhami deri në ikindinë e ditës së 13-të.
Kurbani
Ai kryhet ditën e Bajramit (dita e dhjetë) ose ditën e 11, 12, 13 të Dhul-hixhes..
Tregohet nga Buhari dhe Muslimi se profeti (s.a.v.s) bëri kurban dy desh (me brirë) që ishin, një i bardhë e tjetri i zi. Ai i preu ata me dorën e tij dhe tha "Bismilah ue Allahu Ekber", dhe vendosi këmbën mbi anët e qafave të tyre.
Mosprerja e flokëve, qimeve apo thonjve n.q.s. personi ka nijet të presë kurban.
Umu Seleme tregon se i Dërguari i Allahut (a.s.) ka thënë: "Në qoftë se ju shikoni hënën e Dhul-hixhes dhe ndonjëri prej jush ka nijet të presë kurban, atëherë ai nuk duhet t'i presë flokët, qimet apo thonjtë". (Muslimi)
Arsyeja për këtë duhet të jetë për të përngjasuar me ata që kryejnë Haxhin. Allahu thotë: 
"…E mos i rruani kokat tuaja derisa të arrijë kurbani vendin e caktuar…" (Kur'an 2: 196)
Urdhëri për mosprerjen e flokëve, qimeve apo thonjve është për personin që pret kurban dhe jo për gruan, fëmijët apo të afërmit e tij. Është e lejuar të lahet koka edhe n.q.s. prej saj mund të bien flokë.
Marrja pjesë në namazin e bajramit
Personi duhet të marrë pjesë në namazin e Bajramit dhe të dëgjojë hutben. Ai duhet të dijë se Bajrami është ditë bindjeje dhe devocioni. Ai duhet t'i evitojë veprimet e këqija si dhe mëkatet.