VLERA E MESHIRES

Një ditë Abdullah bin Mubarek pa në ëndërr dy ëngjëj që zbritën nga qielli. Po flisnin me njëri-tjetrin:

- Këtë vit bënë haxh 300 mijë veta. Asnjërit s’iu pranua haxhi. Abdullah bin Mubarek i pyeti: “Asnjërit nga ato që erdhen nuk iu pranua”?

- Në zonën e Damaskut jeton një njeri më emrin Ali bin Muafak, megjithëse s’ka shkuar në haxh, meqë ka bërë njetin e haxhit i është pranuar haxhi dhe iu është bërë dhuratë sevapi i të gjithë haxhinjëve.

“Kur u zgjova mendova të shkoj e ta vizitoj këtë person. Shkova në Damask e kërkova dhe e gjeta. Kur ia tregova atij ëndërrën që kisha parë, me tha:

- Kam tre vjet rresht që bëj nijët të shkoj në haxh. Këtë vit mblodha 500 akçe (lloj paraje). Në momentin që po nisesha,gruaja ndigjoj erë mishi që vinte nga komshinjtë, dhe kembëguli që të shkoja e të kërkoja një copë. Shkova kërkova,por nuk ma dhanë.

Më thanë: “Fëmijët kanë tre ditë që janë të uritur.Për këtë arsye po pjekim një kafshë mishi i të cilësh është haram. Ne do të hajmë se e kemi të domosdoshme, ndërsa për ju nuk është hallall që të hani”.

Për këtë arsye ia dhashë atyre sadaka të 500 akçet dhe nuk shkova në haxh”.