NATA E MIRAXHIT (2)

Pra isra do të thotë udhëtimi natën. Këtë udhëtim Muhammedi a.s nuk thotë se unë bëra, por thotë Zoti: “E bëra të udhëtojë robi Im në një pjesë të natës prej Mekkës në Jerusalem.” Me fjalën robi Im, është për qëllim Muhammedi. Ky udhëtim ishte me trup e me shpirt, zgjuar e jo fjetur, pse sikur të ishte vetëm me shpirt, nuk do të mund të thuhet: Me robin Tim, pse rob-njeri nuk mund të quhet vetëm shpirt pa trup.

Prap në Kur’anin fishnik:

“....e atë pamjen tënde që të treguam(natën e Miraxhit) dhe pemën e mallkuar nuk bëmë për tjetër vetëm se sprovë për njerëz.....” Sureja Isra ajeti 60

Sprova bëhet duke qenë i zgjuar. Po të ishte ëndër, tregim i pejgamberit a.s, askush nuk do ta priste të çuditshëm, dhe disa duke refuzuar, nuk do ishin bërë murted(duke qenë musliman me braktis fenë), dhe disa si Ebu Bekri duke pranuar, nuk do kishin arritur në nivele të larta. Kush nuk beson se është dërguar Resulullahu nga Mekka në Jerusalem, bëhet qafir(pabesimtar) dhe, kush nuk beson, se, pejgamberi a.s është dërguar në qiell e në vende ku nuk dihet, është anormal.

Rruga prej Mekkës në Jerusalem ka zgjatur një muaj, për një qast shkuarja prej Mekkës në Jerusalem bëhet vetëm me fuqinë e Allahut xh.sh. , dhe për këtë s’duhet dyshuar në fuqinë e Allahut xh.sh., dhe kjo është çështja që nuk e kuptojnë mu’tezilët. Nëse dëshiron Allahu xh.sh. pse të mos bëhet? Pejgamberi a.s. thotë: “Në qiejt e më largë, kam shkuar dhe kam ardhur.”

Në këtë natë duhet falur namazet kaza, duhet lexuar Kur’an, duhet lutur, penduar, duhet dhënë sadaka, duhet t’i gëzuar muslimanët, dhe sevapet e këtyre duhet dërguar edhe të vdekurve! Çdo herë duhet të mundohemi që të bëhemi një person besimtar, t’i punojmë Farzet dhe të largohemi nga haramet dhe duhet penduar shumë.

Mu’tezile: grup muslimanësh i ndarë nga Ehli sunneti.