MIRESIA E DITURISE
Hazreti Pejgamberi në hadithet e tija na urdhëron:
“Për atë që i mëson njerëzve të mirën, ëngjëjt
dhe të gjitha gjallesat bëjnë dua dhe i luten
Allahut. ”, “Ditën e kijametit më parë pejgamberët,
pastaj dijetarët, pastaj dëshmorët do të përfitojnë
nga falja e gjynahve”, “O njerëz, dijeni se shkenca
mësohet nga dijetarët, mësojeni shkencën (diturinë)
se të mësosh shkencën është ibadet. Edhe
nxënësi edhe mësuesi, fitojnë sevapin e xhihad-it.
(Xhihad është lufta e shenjtë për fenë). “Mësimi i
diturisë është si dhënja e sadakasë. ”, “Mësimi i
diturisë nga dijetari është si të falësh namaz
tehexh-xhudi”.
Autori i librit të fetvave Hulasa Tahir Buhari thotë: Të lexosh libër të fikh-ut është më sevap, se sa të falësh namaz të natës. Sepse të mësosh farzet dhe haramet nga dijetarët, ose nga veprat e tyre është farz, e domosdoshme. Një gjë që e bën vetë ose këtë gjë t’ua mësojë të tjerëve është më sevap se sa të lexojë librat e fikh-ut, ose me falë namaz Tespih. “Mësimi i diturisë është më sevap se sa të falen të gjitha namazet nafile. Sepse edhe ai që i mëson edhe ata që mësojnë kanë përfitime dhe sevape të shumta.” “Si ata që ua mësojnë të tjerëve, ashtu edhe ata që mësojnë përfitojnë nga sevapi i Besnikëve.” -ka thënë në këto hadithe Profeti ynë, Muhamedi alejhis-selam.