ÇFARE ESHTE FALENDERIMI? (1)
Detyra humanitare e njeriut është që me të gjitha fuqitë e veta të ndihmojë njerëzimin e me forcën e tij të besimit, ti jetë mirënjohtës Allahut, i cilli na i ka dërguar gjithë këto mirësi. Eshtë një detyrë, një borxh që na e imponon arsyeja jonë.
Por nuk është e lehtë të arrish gradën e duhur të
mirënjohjes ndaj Allahut teala, sepse njerëzit janë krijuar
nga mos ekzistenca (krijesë dhe jo evulim) dhe janë të
dobët e nevojtarë, me shumë të meta e vese të këqija.
Kurse Allahu teala ka ekzistuar gjithnjë dhe do të jetë
deri në pafundësi. Ekzistenca e Tij është e paskajshme
dhe pa limit. Ai është i përjetshëm, është larg të metave
dhe të gjitha cilësive të ulta. I ka të gjitha epërsitë dhe i
zotron ato mbi çdo gjë. Njerëzit në asnjë mënyrë dhe në
asnjë pikëpamje nuk kanë përngjajshmëri e afërsi me
Zotin e tyre. Këto njerëz që janë kaq të pa vlehshëm përpara
Madhërisë së Tij, a mund të jenë në gjendje për të
shfaqur mirënjohje në mënyrë të denjë emrit të Allahut të
Madhëruar? Sepse për shumë gjëra për të cilat njerëzit
mendojnë se janë të bukura e të vlehshme, mundet që
Allahu të mos i konsiderojë si të tilla dhe të mos i pëlqejë
ato. Gjëra, për të cilat jemi të bindur se janë të përshtatshme
për të shfaqur nderim, admirim dhe mirënjohje
ndaj Allahut, mund të jenë të pamjaftueshme dhe të
thjeshta karshi Madhërisë së Tij. Njerëzit me mendjen
dhe arsyen e tyre të dobët, me shikimet e tyre të shkurtra
nuk janë në gjendje për të gjetur mënyra nderimi dhe
mirënjohjeje të përshtatshme ndaj Allahut teala. Prandaj
ata nuk duhet të mundohen të gjejnë mënyra të tjera falenderimi
e adhurimi, mbasi mënyrat që vlejnë për mirënjohje
dhe nderim janë bërë të ditura nga vetë Allahu.
Duhet të kihet parasysh se gjëra lavdëruese mund të
jenë me kuptim të kundërt e të ndyra për figurën e Allahu
teala. (Vijon)