KOHA E TEMKINIT (1)
Koha e Temkinit quhet koha që kalon nga momenti kur
ndodh perëndimi gjeografik e deri në momentin e perëndimit të
saktë (perëndimi që përdoret për llogaritjet fetare). Pra Koha e
Temkinit quhet koha që kalon nga momenti kur drejtëza që
formohet duke bashkuar qendrën e Diellit me qendrën e Tokës
bëhet pingule me drejtëzën që formohet duke bashkuar vrojtuesin
(personin) me qendrën e Tokës, e deri kur pjesa e
sipërme e Diellit ulet nën horizontin që formohet në pikën më
të lartë të vendbanimit. Perëndimi gjeografik ndodh kur
drejtëza që formohet duke bashkuar qendrën e Diellit me qendrën
e Tokës bëhet pingule me drejtëzën që formohet duke
bashkuar vrojtuesin (personin) me qendrën e Tokës, me fjalë të
tjera ky perëndim ndodh kur qendra e Diellit bashkohet me
vijën e horizontit gjeografik. Perëndimi i saktë ndodh kur pjesa
e sipërme e Diellit ulet nën horizontin që formohet në pikën më
të lartë të vendbanimit, me fjalë të tjera ky perëndim ndodh kur
pjesa e sipërme e diellit ulet nën vijën e horizontit të saktë (vija
e horizontit që dallohet nga pika më e lartë e vendbanimit).
Koha e faljes së namazit (kjo kohë llogaritet duke marë për
bazë horizontin e saktë) ndryshon nga koha e llogaritur sipas
kritereve astronomike (ku meret për bazë horizonti gjeografik)
aq sa është ndryshimi midis perëndimit të saktë nga perëndimi
gjeografik. Kjo kohë quhet Koha e Temkinit.
Eshtë e domosdoshme që në llogaritjen e kohëve të faljes duke përfshirë këtu edhe kohën e Imsakut, të përdoret koha e Temkinit.
Koha e Temkinit përfitohet me anë të llogaritjes së katër elementëve. Këto katër elementë janë: 1) Gjysmësfera e Diellit. 2) Thyerja e dritës. 3) Ulja e Horizontit dhe 4) Paralaksi i Diellit. Koha e Temkinit përfitohet duke mbledhur vlerat kohore të tre elementëve të parë dhe duke zbritur nga kjo shumë vlerën e elementit të katërt. Tek të gjithë kohët e namazit, duke përfshirë këtu edhe kohën e Imsakut është e domosdoshme përdorimi i kohës së Temkinit. Shpjegimi i katër elementëve që përbëjnë kohën e Temkinit është si më poshtë: (Vijon)