Untitled Document

VLERAT E FATIHASE

Një burrë shkoi në mesxhid dhe përshëndeti në fillim Resulullahun, pastaj Ebu Bekrin, por kur pa Aliun iu zverdh fytyra. Hazreti Ebu Bekri pyeti Aliun për shkakun e këtij veprimi. Aliu i’u përgjigj:

- Ky burrë më ka 20 mijë akçe (lloj paraje) borxh, është i varfër dhe nuk mi kthen dot, për këtë arsye ka turp.

Hazreti Ebu Bekri e thërriti këtë njeri dhe i tha:

- Po ta lexosh Fatihanë deri në gjysëm dhe sevapin e saj të ma falësh mua, ta paguaj borxhin që i ke Aliut.

Ky pranoi dhe e lexoi Fatihanë me zë deri në gjysëm. Në momentin kur po bëhej gati të ndalonte Hazreti Ebu Bekri i tha përsëri:

- Vazhdo, se do të të jap edhe 20 mijë akçe të tjera.

Kur mbaroi Fatihanë, Hazreti Ebu Bekri i dha 40 mijë akçe dhe i tha:

- Sado që të kërkosh është pak. Sepse vlerat e Fatihasë janë shumë të mëdha.

PËRSE QAN

Një ditë Hazreti Aliu po qante. Pejgamberi“Sal-lall-llahu alejhi ve sel-lem” e pyeti:

- O Ali përse po qan?
- Një njeri më kërkoi borxh prandaj po qaj.
- A nuk pate mundësi t’i japësh? O Ali!
- I dhashë o Resulallah.
- Atëhërë përse qan?
- Hazreti Aliu tha: “Qaj ngaqë nuk e dija që më parë që ky vëllai im ishte nevojtar”