VLERA E BOTES VETEM SA NJE GOTE UJE

Halifeja Harun Rrashid shkonte të vizitonte shpesh evlijanë e madh Shakik Belhi dhe kërkonte prej tij dua e këshilla. Në një prej vizitave i nderuari Shakik Belhi i tha:

- Mendo sikur ke mbetur në mes të shkretëtirës dhe po vdes nga etja. Një botë ujë mund të të shpëtojë nga vdekja. N.q.s pranë teje vjen një njeri që shet ujë, sa e blen një gotë ujë?

- I jap çfarë të më kërkojë, nuk e mendoj fare vlerën e parasë në këtë moment.

- Edhe nëse ky person në këmbim të një gote ujë këron prej teje gjysmën e të gjithë pasurisë tënde je i gatshëm t'ia japësh?

- Patjetër që ia jap.

- Mendo sikur e pive ujin që bleve me gjysmën e pasurisë tënde. Pas pak ndjeve nevojën që ta nxjerrësh jashtë këtë ujë: por nuk arrin të urinosh dot. Arrin deri në atë pikë sa je duke plasur. Njerëzit nën urdhërat e tua nuk i gjejnë dot ilaç sëmundjes tënde. Pikërisht në këtë moment vjen një përson e të thotë "unë mund të të shpëtoj ty nga kjo gjendje por në këmbim desha gjysmën e pasurisë tënde!" çfarë bën?

- Për të shpëtuar nga ky mundim ia jap të gjithë pasurinë që kam mjafton të më kthejë shëndetin.Çfarë vlere ka pasuria po të ndodhem në atë gjëndje?

- Pra asnjëherë mos i beso kurrë pasurisë e cila nuk ka as vlerën e një gote uji të cilën e pive dhe më pas e nxorre jashtë me anë të urinës! Mos iu lavdëro asnjeriu me të!