XHAMİA SELİMİJE

Xhamia Selimije të cilën arkitekt Sinani e ka quajtur “Vepra ime madhështorë” është kurora e Edirnesë. Xhamia e ndërtuar nga arktitekt Sinani nga viti 1569 deri më 1575 me urdhër të Sulltan Selimit, bie në sy me katër minaret e saj me nga katër ballkone. Këto minare elegante që dallohen shumë larg janë të vendosura rreth kubesë ne katër qoshet e xhamisë. Kubeja me diametër 31.5 m është lidhur me 8 këmbë elefanti.
Në Edirne nga çdo pikë që të shohësh, duket xhamia Selimije. Udhëtarët që vijnë nga Stambolli e dallojnë xhaminë prej së largu dhe deri kur arrijnë atje mendojnë së xhamia ka vetëm 2 minare. Në të vërtetë minaret janë të një gjërësie të konsiderueshme, por vijat që kanë për së gjati i bëjnë ato të duken me përmasat e një lapsi. Shkallët e ballkoneve të cilat janë të ndërtuara rreth njëra tjetrës si gërsheta dalin secila në ballkone të ndryshme.
Xhamia është aq elegante sa të sjell në mend një vepër arti madhështore. Ndoshta edhte për këtë arsye duket më e dashur dhe më e vogël se ç’është në të vërtetë. Por ai që merr metrin në dorë e kupton se sa e madhe është. Sa e perkryer është arkitektura e xhamisë, në mënyrë po aq të përsosur është punuar edhe me mermerin, gurët e zbukurimit dhe shkrimet brenda në xhami. Punimi i mermerit është më i përkryer se në të gjitha xhamitë e tjera. Në mes të verandës së xhamisë të rrethuar nga parmakët ndodhet nje shatërvan prej mermeri të punuar me mjeshtëri.
Xhamia përveç ardkitekturës ka edhe sekrete të tjera. Psh: 4 minaret janë shenja e; 4 librave, 4 engjëjve dhe 4 halifëve, ndërsa 4 vendet ku mbahet vazë, janë për 4 methebet e drejta. Xhamia ka 999 dritare të cilat janë vendosur në 5 rreshta për të treguar 5 kushtet e İslamit. 6 Rrugët e minareve tregojnë 6 kushtet e besimit. 32 Dyert rreth xhamisë tregojnë 32 farzet.