NE FE NUK KA DETYRIM

Hazreti Omeri kishte një shërbëtor i cili nuk ishte musliman.
Hazreti Omeri e pyeti një ditë shërbëtorin:
- A je i kënaqur nga mua?
- Patjetër që jam i kënaqur, ti je njeriu më i mirë në botë.
- A e pëlqen moralin dhe edukatën time?
- Patjetër që i pëlqej. Nuk më vjen në mend një njeri me moral më të mirë se ty.
- Sjelljet e mia, edukata dhe morali im janë të tilla në sajë të fesë Islame. Eja të ta mësoj edhe ty fenë time.
Hazreti Omeri i tregoi shërbëtorit për fenë Islame dhe më pas e pyeti:
- Çfarë mendimi ke?
- Këto që thua janë gjëra të mira.
- Atëherë eja bëhu musliman edhe ti.
Shërbëtori uli kokën dhe tha:
- Zotëri, n.q.s nuk do të më detyrosh unë preferoj të jetoj fenë e të parëve të mi.
Hazreti Omeri megjithëse e kishte shërbëtor nuk e detyroi atë të pranonte Islamin. Kjo ngjarje tregon qartë se asnjë nuk mund të detyrohet të pranojë fenë.

PIRI REIS
Piri Reis ka qenë një detar i famshëm dhe një dijetar i madh i Islamit. Në hartën e botës që ka vizatuar ai të çudisin shumë katër zbulime:
1- Ka bërë të ditur ekzistencën e Amerikës 27 vjet përpara Kristofor Kolombit.
2- Ka treguar se ishulli i Groenlandës është i përbërë nga tre pjesë toke.
3- Ka vizatuar në mënyrën më të përsosur vargmalet nën akujt e Antarktidës.
4- Në hartën e botës që ka vizatuar ka treguar se Toka e cila ka formën e një sfere, është e shtypur.
Këto katër zbbulime të rëndësishme të tij ne kemi arritur t’i vërtetojmë vetëm në shekullin e 20 duke përdorur fotografi të marra nga satelitet në hapësirë, ultrasonografinë dhe rrezet infra. Duke e ditur se nuk ka asnjë argument që Piri Reis të ketë shkuar në kontinentin Amerikan, në Groenlandë ose në Antarktidë, si ka arritur ai të zbulojë vargmalet e fshehur nën akujt e Antarktidës dhe se Groenlanda përbëhet nga tre pjesë toke?...