TE BESOSH KADERIN

Ue bil kaderi hajrihi ue sherrihi minall-llahi teala: I besova Kaderit, përcaktimit të Allahut xheleshanuhu, pra që hajri e sherri (e mira dhe e keqja) janë nga Allahu xheleshanuhu. Të gjitha të mirat e të këqijat, dobitë dhe dëmet, fitimet dhe humbjet njerëzve u vijnë me caktim të Allahut xheleshanuhu. Kader quhet dëshmimi i ekzistimit të një gjëje nga vullneti i Allahut xheleshanuhu. Qënja dhe jetëgjatësia e saj varet direkt nga caktimi i Tij. Allahu xheleshanuhu, robëve të tij u ka dhënë vullnet. Me këto vullnete-dëshira, kërkesa të tyre ato bëjnë punë dhe krijojnë mendime me vullnet të lirë. Kur një rob do të bëjë diçka, nëse edhe Allahu xheleshanuhu dëshiron, e krijon atë punë. Nëse robi nuk  e dëshiron, edhe Allahu xheleshanuhu nuk dëshiron, atë gjë nuk e krijon.
Allahu xheleshanuhu, çdokujt i ka urdhëruar t’i mbështetet Atij (Tevekkul). Mbështetja në Allahu (xheleshanuhu), është kusht i besimit, është kuptim që del nga ajetet e Kur’anit; në suren Maide thuhet: “Po qe se keni besim, mbështetjuni Allahut xheleshanuhu.”; në suren Imran: “Natyrisht se Allahu teala i don ata që i mbështeten Allahut xheleshanuhu.”; në sure-i Talak: “Nëse dikush i mbështetet Allahut xheleshanuhu, atij i mjafton Allahu xheleshanuhu.”; në suren Zumer: “A nuk i mjafton robit të vet Allahut xheleshanuhu. ?” Me kuptime të tilla ka edhe shumë ajete të tjerë.
Pejgamberi (salall-llahu alejhi ve selem), thotë “Ma kanë treguar një pjesë të ummetit tim. I kanë mbushur kodrat, shkretëtirat. Jam habitur dhe jam gëzuar që janë kaq shumë. A u gëzove, thanë, po thashë. Nga këta vetëm shtatëdhjetë mijë hyjnë në Xhennet pa dhënë llogari, thanë. Cilët janë këta pyeta? Thanë: Ata që në punët e tyre nuk janë mbështetur në magji, në hedhje falli dhe përveç Allahut askujt nuk i janë mbështetur dhe nuk i kanë besuar”. Nga ata që dëgjuan, Ukashe radi-allahu anh, u ngrit në këmbë dhe kur tha: O Reslull-llah! Bëj dua që të bëhem prej tyre, ai u lut: “O Zot, bëje këtë prej atyre”, dhe kur një tjetër u ngrit dhe kërkoi të njejtën dua, tha: “Ukashe, veproi më shpejt se ti”.