DHEMBSHURIA

Islami është feja e dhembshurisë. Të sillesh më dhembshuri ndaj të gjitha krijesave të tjera është urdhër i Islamit. Duhet të sillemi mirë dhe me dhembshuri me të gjithë, qofshin njerëz apo kafshë, nuk duhet të tregohemi të padrejtë ndaj askujt.
Në hadithe sherif thuhet.
"Në Xhennet futen vetëm ata që janë të dhembshur."
"Muslimanë quhen ata njerëz nga veprimet e të cilëve nuk i vjen e keqe asnjeriu."
Allahu teala është mëshiruesi i mëshiruesve. Duke patur mëshirë për njerëzit, i ka dërguar atyre Pejgamberët. Me anë të Pejgamberëve i ka treguar atyre rrugën e drejtë, rrugën që të çon në lumturinë e përhershme dhe i ka ftuar ata pranë Vetes. I ka ftuar në Xhennet.
Na ka treguar se poshtë Arshit shkruhet: "Unë jam më i mëshirshmi i të mëshirshmëve, mëshira Ime e ka kaluar inatin Tim." dhe se do të nxjerrë nga xhehennemi e do te fale njerëz sa dy fishi i banorëve të xhennetit. Sa i shkretë është ai njeri i cili nuk e pranon një ftesë të tillë.

PESE GJERA
Abdullah bin Amrr bin As ka thënë:
Kush i ka këto pesë gjëra është i mbrojtur në këtë botë dhë në botën tjetër.
1-Të thuash në çdo kohë "La ilahe il-lall-llah Muhammedun Rresulullah"
2-Kur të bjerë ndonjë e keqe të thuash "Inna lil-lah ue inna ilejhi rraxhiun" dhe "La haule ue la kuuete il-la bil-lahil alijil adhim."
3-Kur t’i vijë ndonjë e mirë të thotë "Elhamdulil-lahi Rrabbilalemin"
4-Sa herë që të fillojë ndonjë punë të thotë "Bismil-lahirr-rrahmanirr-rrahim"
5-Kur të veprojë ndonjë gjynah të thotë menjëherë "Estagfirrullahel adhim ue etubu ilejh"