TE MIRAT QE PRITEN NGA AGJERIMI

Kur agjërojmë duhet të tregojmë kujdes edhe ndaj kushteve të tjera të fesë. Po të mos i kushtojmë rëndësi këtyre gjërave, sevapi i agjërimit pakësohet ose humbet fare. Qëllimi i agjërimit dhe i të gjitha ibadeteve të tjera është që të arrijmë të bëhemi njerëz ashtu si na dëshiron Allahu. N.q.s një njeri që agjëron vazhdon të kryejë punë të këqija e ka shumë të vështirë të përfitojë ato të mira që pret nga agjërimi.
Në hadithe sherif thuhet:
"Ka njerëz të tillë që agjërojnë, të cilët nuk përfitojnë gjë tjetër përveç etjes dhe urisë."
Për të arritur të mirat e mëdha që presim nga agjërimi:
1- Duhen ruajtur sytë që të mos shohin haram dhe gjëra të panevojshme dhe zemra nga ato gjëra që e pengojnë të kryejnë punë të mira.
2- Duhet ruajtur gjuha që të mos mbajë të tjerët në gojë dhe të mos flasë gjëra të këqija. Për të siguruar sevapin e agjërimit duhet ta mbajmë gjuhën larg çdo gjëje të keqe. në hadithe sherif thuhet:
"Agjërimi është mburojë ndaj të gjitha të këqijave. Ai që agjëron të mos tregohet injorant e të thotë fjalë të keqe.  Nëse një njeri dëshiron të grindet me veten e tij, ta kundërshtojë veten e të thotë 'unë jam agjërueshëm'."
3- Ngaqë edhe ai që dëgjon dikë tek mban të tjerët me gojë është pjesëtar i gjynahut, duhen ruajtur edhe veshët që të mos dëgjojnë haram.
4- Ashtu si duhet të ruajmë sytë, gjuhën, veshët dhe zemrën duhet të ruajmë edhe duart, këmbët e të gjitha organet nga gjërat e ndaluara dhe nga të dyshimtat. Sidomos duhet të ruhemi të mos futim kafshatë haram në stomak.
5- Megjithëse nuk ka ndonjë gjë po të hash shumë dhe gjëra të ndryshme në syfyr, në iftar nuk duhet ta dëmtojmë veten dukë ngrënë shumë.
6- Kur të vijë koha e iftarit duhet të frikësohemi e të mendojmë a na është pranuar agjërimi apo jo dhe duhet t’i lutemi Allahut që të na e pranojë. Gjatë Ramazanit duhet të bëhet sa më shumë istigfar, duhet lexuar Kur'an dhe libra fetarë të dijetarëve të njohur.