MORALI DHE SHTHURJA

Në ditët e sotme në shtetet e krishtera janë përhapur shumë vese të këqija si shthurja, safizmi, homoseksualizmi etj. Arsyeja më e madhe për këtë janë takimet e pakontrolluara midis meshkujve dhe femrave. Për këtë arsye në shtetet e perëndimit zor se gjen ndonjë madhkull apo femër që e ka kaluar jetën pa bërë zina.
Duke i dhënë leje vajzave të ulen, të kalojnë kohën apo të bisedojnë me djemtë, megjithëse thonë se këtë gjë e bëjnë për të respektuar gruan, për t’i dhënë asaj të drejtat që i takojnë. Në të vërtetë i shtyjnë ato në shthurje, i poshtërojnë dhe i përdorin si mall për tregëtim.
Ndërsa gruaja muslimane e ndershme dhe me moral të lartë është gjithmonë pranë burrit të saj e mbrojtur dhe e respektuar. Burrat nuk i shohin veprime të tilla të përshtatshme për gratë ose vajzat e tyre, prandaj i mbajnë ato larg nga këto gjëra.
Çdo njeri gjënë më me vlerë dhe që e do më shumë e ruan vetëm për veten e tij. Kështu edhe muslimanët nga dashuria dhe nga respekti i madh që kanë për burrat dhe për gratë e tyre i mbajnë ato pranë vetes dhe i mbrojnë.
Europianët në këtë pikëpamje janë larguar shumë nga ndjenjat e nderit dhe moralit. E shohin si gjë qesharake dhe të ulët xhelozinë që tregon burri për gruan ose anasjelltas. Në këto vende kur thuhet se dikush është xheloz e quajnë budala dhe të paedukatë.