DESHIRA E Hz. FATIMESE “Radijallahu anha”

Një ditë Hazreti Osmani kishte bërë gosti për Resulullahun. Pas gostisë Hazreti Aliu u kthye i mërzitur në shtëpi. Hazreti Fatimeja e cila e pa në këtë gjendje e pyeti për arsyen. Hazreti Aliu u përgjigj: 
“Sikur të bëheshim edhe ne të pasur që ta ftonim Resulullahun për gosti në shtëpinë tonë! Sot Atë e ftoi Hazreti Osmani.” Hazreti Fatimeja tha: “Ta ftojmë edhe ne” Hazreti Aliu i tha: “O bija e Resulullahut, e me çfarë gjellësh do ta gostitësh?” Hazreti Fatimeja i’u përgjigj: “Ai është robi i dashur i Allahut, Allahu e gostit Atë”.
Kështu Hazreti Aliu shkoi tek Resulullahu dhe i tha: “O Resulullah bija jote të fton për gosti në shtëpinë e saj” Resulullahu tha: “Vetëm mua apo sëbashku me sahabet e mi?” Hazreti Aliu tha: “Edhe sahabet të urdhërojnë sëbashku me ju” Resulullahu u ngrit dhe sëbashku me sahabet shkuan në shtëpinë e Hazreti Aliut dhe Hazreti Fatimesë. Hazreti Fatimeja bëri këtë dua: “O Allah! Robi Jot i dashur sëbashku me sahabet tij kanë nderuar shtëpinë time. Në shtëpi nuk kam asgjë që tu jap atyre. Jepi atyre të mira dhe ushqime për të ngrënë!” Hazreti Fatimeja kishte një tenxhere të cilën e vuri në zjarr, Allahu teala me mirësinë e Tij e mbushi tenxheren me gjellë. Hazreti Fatimea i’a çoi tenxheren Resulullahut dhe hëngrën të gjithë sëbashku me sahabet. Resulullahu tha: “Kjo është nga gjellët e Xhennetit”. Hazreti Fatimeja shkoi në dhomën e saj dhe ra në sexhde dhe bëri këtë dua: “O Allah nuk kam skllav, që t’i fal lirinë. Prandaj po të kërkoj Ty që të lirosh nga Xhehennemi disa nga njerëzit gjynahqarë të këtij ymeti. Menjëherë zbriti Xhebraili “alejhis-selam” dhe i tha Resulullahut: “O Resulullah Vajza jote Fatimeja bëri dua për gjynahqarët e ymetit Tënd.
Allahu të dërgon selam ty dhe tha: “Për çdo hap të 100 burrave dhe 100 grave që erdhën tek shtëpia e Fatimesë, kam liruar një njeri nga Xhehennemi”.