VITI I RI HIXHRI

Muaji Muharrem është muaji i parë i vitit Hixhri dhe një nga katër muajt që i jepet rëndësi në Kur’ani kerim. Nata e parë e muajit Muharrem është nata e vitit të ri për muslimanët, dita e parë e këtij muaji është dita e parë e vitit të ri.
Fillimi i kalendarit Hixhri pranohet si viti kur Muhammedi alejhisselam u shpërngul nga Meka për në Medine. Dita e parë e muajit Muharrem të vitit të parë hixhri ka qëlluar ditën e Premte 16 korrik 622. Një vit Hixhri ka 354. 367 ditë. Kjo është koha që hëna rrotullohet 12 herë rreth tokës. Viti Hixhri është 10.875 ditë më i shkurtër se viti diellor që përdorim ne. Për këtë arsye çdo 32.5 vjet është një vit më shumë. Sot është dita e parë e vitit 1445 Hixhri.
Të krishterët e festojnë vitin e tyre të ri. Gjoja me këtë kryejnë porositë e fesë së tyre. E adhurojnë këtë ditë.
Edhe muslimanët në ditën dhe natën e vitit të tyre të ri japin dorën njëri-tjetrit, urohen me anë të telefonit ose me letra. Vizitojnë dhe i bëjnë dhurata njëri tjetrit. Bëjnë dua që viti i ri të jetë i mbarë për njëri-tjetrin dhe për të gjithë muslimanët në mbarë botën. Vizitojnë të afërmit, më të mëdhenjtë, dijetarët e fesë  dhe kërkojnë dua prej tyre. Edhe në këtë ditë vishen si për festë e u japin sadaka të varfërve. Edhe dhjetë ditët e netët e para të muajit Muharrem janë nga ditët e mira.