DURIMI

Vajza e Amrr'it, hazreti Hansa fliste me shumë pjekuri. Shpeshherë fliste rreth luftërave. Përpara fillimit të luftës të zhvilluar në Kadsije mori të katër djemtë e saj dhe u dha këto këshilla:
"Djemtë e mi heronj! Betohem se ju jeni bijtë e një nëne dhe babai musliman. Unë e kam pranuar Islami_n me dëshirën time dhe jo me forcë. Pastaj prapë me dëshirën time u shpërngula. Ju keni një të kaluar të pastër. Ju duhet të jeni ata që të luftoni më me trimëri dhe të dilni në rradhë të parë në këtë luftë kundër armikut! Urdhëri për këtë luftë është i Allahut teala dhe i Pejgamberit të tij!"
Hazreti Hansa pasi tha kështu i përqafoi me rradhë djemtë e saj dhe u tha: "Ose të valëvisni lart flamurin e fitores në kadsije, ose të dëgjoj që keni rënë shehidë!"
Kur hazreti Hansa ishte në shtrat e sëmurë, i erdhi lajmi i fitores dhe se të katër djemtë e saj kishin rënë shehidë. U gëzua shumë edhe për fitoren e Islamit, edhe për faktin që ishte bërë nëna e katër shehidëve. Për këtë veprim fitoi duatë e Resulullahut.

RECETA E LUMTURISE
Ata njerëz që i veprojnë këto gjëra arrijnë të gjejnë lumturinë si në këtë botë edhe në Ahiret.
❶ Të bësh mirësi.
❷ Të mos shpërdorosh asgjë.
❸ Të fitosh vetëm nga hallalli.
❹ Të mos flasësh gjëra koti.
❺ Ti bësh ibadetet vetëm për riza të Allahut.
❻ Të bësh shumë teube.
❼ Të falenderosh për të mirat që ke.
❽ Të shkëmbesh mendime me të njohurit.
❾ Ta fillosh çdo punë duke thënë "Bismil-lahirr-rrahmanirr-rrahim".
❿ Të tregohesh i mëshirshëm ndaj njerëzve më të dobët.