Бугун... Муҳаррам ойи

Муҳаррам ойи исломий қамарий йилнинг биринчи ойи ва Қуръони каримда қиймат берилган 4 ойдан биридир. Муҳаррам ойининг биринчи кечаси мусулмонларнинг ҳижрий қамарий янги йил кечасидир. Ҳижрий қамарий тақвимда Муҳаммад алайҳиссаломнинг Маккадан Мадинага ҳижрат этган йиллари тақвим бошланғичи деб қабул қилинган. Биринчи муҳаррам куни бошланган дастлабки ҳижрий қамарий янги йил мелодий 622-йилда июль ойининг 16-кунига тўғри келган жума куни эди.

Мусулмонлар янги йил кечаси ва кунларида бир-бири билан кўришиб, телефон ва мактуб орқали табриклашади. Бир-бирларига ҳадялар улашади. Янги йилни газета ва журналларда эълон бериб қутлашади. Янги йилнинг бир-бирларига ва барча мусулмон оламига хайрли, баракали бўлиши учун дуо қилишади. Катталар, қариндошлар ва олимларни уйларига бориб, табриклаб, дуоларини олишади. Бу кунларда ҳайитдагидек тоза кийинишади, фақирларга, муҳтожларга садақа беришади. Муҳаррам ойининг илк ўн куни ва кечаси қийматли ҳисобланади.

Муҳаррам ойининг биринчи куни ва ўнинчи Ашура куни ўқиладиган дуо:

“Алҳамдулиллоҳи Раббил оламин. Вассалоту вассалому аъла саййидина Муҳаммадин ва аъла олиҳи ва соҳбиҳи ажмаъин. Аллоҳумма антал-абадиййул-Қадим, ал-Ҳаййул-Карим, ал-Ханнон, ал-Маннон. Ҳазиҳи санатун жадидатун. Асалука фиҳал исмата минаш-шайтонир-рожийм, вал авна аъла ҳазиҳин нафсил аммороти биссуи вал иштиғола бима йуқаррибууни илайка ё зал Жалоли вал Икром, бираҳматика ё Арҳамар-Роҳимин. Ва соллаллоҳу васаллама аъла саййидина ва набиййина Муҳаммадин ва аъла олиҳи ва саҳбиҳи ва аҳли байтиҳи ажмаъин.”