FUTBOLLISTI QE VRAU GRUAN

Në Amerikë një futbollist dyshohej për vrasjen e gruas së tij. Futbollisti, i dyshuri i vetëm për këtë ngjarje u kap nga policia gjatë një misioni që u transmetua drejt për së dreti nga T.V, por kufoma e gruas nuk u gjet gjëkundi.
Gjygji ishte tamam si në filmat amerikanë. Futbollisti ishte i ulur në karriken e të dyshuarit. Avokati i tij i cili paguhej shumë shtrenjt i kishte kthyer shpinën gjykatësit dhe me fjali emocionuese po mundohej ti mbushte mendjen jurisë për pafajësinë e klientit të tij.
- E nderuar juri, unë e besoj me gjithë zemër se klienti im është i pafajshëm. Pas pak për këtë gjë do të bindeni edhe ju. Përse? Tani unë do të numëroj deri në 10 dhe kur të mbaroj do të shihni se nga kjo derë do të futet brënda gruaja për vrasjen e së cilës dyshohet klienti im. 1,2,3,4,5,6,7,8,9,10.
Kur mbaroi numërimin e gjithë juria ktheu kokën nga dera. Asnjeri nuk u fut brënda. Anëtarët e jurisë u kthyen nga avokati me shikime pyetëse. Avokati ishte një mjeshtër i mbrojtjes dhe bëri lëvizjen përfundimtare.
- Shihni, as ju nuk e besoni se ajo ka vdekur se të gjithë kthyet kokën nga dera dhe pritët që të futet brënda. Pres nga ju që ta merni vendimin duke u bazuar në këtë gjë.
Juria mori vendimin që i dyshuari ishte fajtor dhe gjygji mbaroi në këtë mënyrë. Në dalje të gjykatës avokati iu afrua kryetares së jurisë.
- Kur numërova deri në 10 edhe ju si të gjithë anëtarët e tjerë të jurisë kthyet kokën dhe patë nga dera. Pse morët një vendim të tillë?
- E vërtetë edhe unë si gjithë të tjerët pashë nga dera, por klienti juaj nuk po shihte.