HISTORI FETARE

Një ditë hazreti Aliu radi-allahu anh, i kishte kaluar namazi i ikindisë. Nga mërzia qe lëshuar vrap tatëpjetë kodrës. Duke zbritur, qante e bërtiste. Kur e mori lajmin për këtë gjendje të tij, Pejgamberi (salall-llahu alejhi ve selem), së bashku me të gjithë as-habet erdhi tek Aliu radi-allahu anh dhe pasi e pa gjendjen e tij, filloi të qante edhe ai. Bëri dua dhe dielli përsëri u ngrit lart. I dërguari i Allahut teala, Muhammedi (salall-llahu alejhi ve selem), tha: “O Ali! Çoje kokën, dielli ende shihet”. Aliu radi-allahu anh, u gëzua shumë dhe e fali namazin.

HARUN RRASHID
Harun Rrashid është halifeja e pestë e Abbasëve. Eshtë djali i Muhammed Mehdiut dhe nipi i Xhaferr Mensurit. Varri i tij ndodhet në qytetin e Tus'it. U bë halife në kohën që i vdiq i vëllai. Gjatë kohës që halife ishte babai i tij ka luftuar dy herë kundër Grekëve duke treguar hëroizëm të rrallë. Gjatë jetës së tij ka bërë 9 herë haxh dhe i ka bërë shumë të mira popujve të Mekkes dhe Medines. I vlerësonte dhe i ndihmonte shumë dijetarët. Ishte një prijës shumë i drejtë. Halifeja e Abbasëve Harun Rrashid vdiq në Bagdad në vitin 809.
Gjatë periudhës që ishte Halife krijoi miqësi me perandorin e Francës Karlin. Shkëmbenin shpesh letra dhe dhurata me njëri tjetrin. Njëherë i dërgoi dhuratë një orë që punonte me ujë, e cila i habiti të gjithë europianët. Europianët që në atë kohë nuk kishin fare haber nga shkenca dhe zanati kur panë orën që punonte vetë e thyen sepse mendonin që brënda saj ndodhej shejtani.
Gruaja e Harun Rrashidid Zubejde hatun ka ndërtuar në çdo vend të Mekkes çesme që quhen (Ajn-i Zubejde)